Mika 2:3 - Te B'aib'ara

³ Ma ngaia ae e taku te UEA, “I a tia ni baaireia b'a N na karokoa te kanganga ae ab'ab'aki i aom, are ko na bon aki birinako mai iai. Ko na riai n ataia b'a e riki aei nakoim i bukin am kainikatonga. E na reke kaim, ao ane e na akea riki kakatongam.

Mika 2:3 Iomraidhean Croise

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 3:16

E taku te UEA: A kamoamoa ainen Ierutarem ao a aiwaa n aki akaaka, ma ni kamatararaoia. A karin i waeia b'aai aika a kekekeke ni katika mataia aomata n te kawai are a nakonako iai.

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 27:12

I mwiin taetaeu nako ia mataniwiin abanuea ake i rarikira, ao I a nakon te uea are Tetekia ma n tuangnga te b'ai naba arei. Ao i mwiina, I taku: Tetekia, ngkana kam tangiria ni maiu ngkoe ma kaain Iuta, ao kam riai n ongotaeka nakon Nebukaneta ao kaain B'aburon.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 36:23

Ngke e a bon tib'a bane warekan tenua ke aua te raain i roun Ieuri, ao e a korouaia naba te uea n ana biti ae e uarereke ao e karenakoa nako nanon te ai. E karaoa anne ni karokoa e bon bane raoi ni bue te niira ni boki arei.

Ieremia 43:2

Ma a taku nako iu Ataria, Ioanan ao tabeman mm'aane aika a kainikatonga, “Ko kewe! E bon aki tuangko te UEA b'a ti na aki nako Aikubita.

Ieremia 8:3

Iai i buakomi kaain Iuta aika a na tiku ni maiu, ma N na kairoroingkami b'a kam na nako abaia ianena, ao ane kam na tangiria riki ni mate. Bon aei au taeka Ngai ae te UEA.

B'aeb'aeti 1:14

“E atai au bure ni kabane, ao E bootii n ti teuana. E katokaa i aon akuu b'a kaanga te amo. Ao e a taonai rawawatana. E anga ngai te UEA nakoia au kairiribai ao i aki konab'ai ni kaaitaraia.

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 5:5

Ti a kam'akuraki n ai aron te aati ma te kaamero. Ti rootaki n kua ma ti aki kariaiakaki ni motirawa.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Amota 2:14

E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.

Amota 3:1

Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Amota 5:13

ma ngaia are te aki kakarongoa i nanon taai aika bubuaka bon aromi ni birikatai!

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

I-Rom 16:4

ake a kuri ni kabuanib'ai ngke a anga maiuia i buku. I rangi ni kaitau nakoia; ma tiaki ti ngai, b'a a kaitauaki naba irouia ekaretia ake tiaki I-Iutaia kaaina.

I-Ebeto 5:16

Kam na kabongana te tai ane kona n reke iroumi i bukini karaoan ae e raoiroi, b'a a buakaka aomata ni boong aikai.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.