Mika 2:2 - Te B'aib'ara

² Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mika 2:2 Iomraidhean Croise

1.Uea 21:1

Iai ana onaroka ni kureebe Naabota ae e mena i rarikin ana bareti Aaba i Ietireera.

2.Uea 9:26

are ngai ma ngkoe are ti mena i akuun taman Ioram are Aaba, ao are E a kaangai naba te UEA nakon Aaba, ‘I noora kamatean Naabota ma natina m'aane ngkoananoa. Ao I berita nakoim b'a N na katuaaeko ni bon te tawaana naba aei.” Ma ngaia are, e tewenakoa rab'atan Ioram ikekei n aron are E a tia n tua te UEA.”

Iobi 31:38

Ngkana tao I a tia ni iraea te aba are I unika aona, ma n anaia mai roun te tia b'aib'ai ni koaua.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Etekiera 18:12

e burebureia aika maiu ni kainano, ao e kimoaia aomata. E taui b'aai ake e anganaki b'a b'aai ni kakoaua i bukin te roun. E taataromaurii bouannanti, ao e karaoi b'aai aika a rangi n ribaaki,

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Etekiera 22:13

N na katea Au timoi i bukin marakin nanou n ami m'akuri ao ami bure n tiritiri.

Etekiera 33:26

ao kam kaona te aba ni kabuta n te tiritiri. A bane ni buakaka b'aai ni kabane aika kam karaoi; ao kam bon aki kakaonimaki naba nakon ami berita ni mare. Ao kam a manga taekinna b'a abami te aba aei!

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Etekiera 46:18

E na aki riai te tia tautaeka ni kabuakakaia Au aomata n anaa te aba mairouia. E na riai ni bon oin abana te aba are e na anga nakon natina.

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 8:4

Kam na ongora n aei ngkami aika kam kamanatuaia aika a kainano, ma ni kamaunaia aika akea aia b'ai n te kaawa.

Mika 3:9

Kakauongo ngkami aika taan tautaeka i Iteraera, ngkami aika kam riiribaa te eti, ao kam kab'aoua te raoiroi nakon te buakaka.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.