Mika 2:1 - Te B'aib'ara

¹ Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mika 2:1 Iomraidhean Croise

Karikani B'aai 31:29

I kona ni karaoa te m'akuri ae kamaamate nakoim, ma E kaoti Atuan tamam nako iu ngke tairiki, ao E kauringai b'a N na aki karaoa te m'akuri teuana ni karawawatako.

1.Uea 21:7

Ao e taku Nei Ietebera, “Tiaki te uea ngkoe? Teirake man am kainiwene ao am'arake. N na anaa ana onaroka Naabota i bukim.”

Etita 3:8

Ma ngaia are, e taku Aaman nakon te uea, Boni iai te reeti n aomata teuana i nanon am tautaeka aika a kaona aban nako am tautaeka, ao a kaokoro kateia ma reeti tabeua, ao a aki ongotaeka nakon tuan te tautaeka. Ma ngaia are, ko riai ni katokiia koraki aikai.

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Etita 9:25

Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Iobi 15:35

Bon aikai aomata aika iaiangoi m'akuri ni kakiriwe aika buakaka. A onrake nanoia n taiani kewe.

Iobi 24:14

E kautinako n te kaarangaina te tia tiriaomata n tiringa te aomata ae kainano, ao e a manga kimoa n te tairiki

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 36:5

Te UEA, e rota karawa am Tangira ae teimatoa; ao e roti naang am Kakaonimaki.

Taian Areru 58:3

A kamani bure maiuia akana buakaka; a kaman rabakau ni kewe mai nanoni biroton tinaia.

Taeka n Rabakau 12:2

E tangiriia aomata nako te UEA akana a maiuakina te raoiroi, ma e katuaaia aomata nako akana a karaoi taiani babaaire aika a buakaka.

Taeka n Rabakau 14:22

Bon te kaairua karaoan babaaire aika a buakaka, ma a na reke raoraom aika a kakaonimaki ngkana kam tangiria ni karaoa ae e raoiroi.

Taeka n Rabakau 3:27

Ko na karaoi b'aai ni kabane ane ko konaa ni karaoia nakoia aomata nako akana a kainanoa am buobuoki.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Etekiera 11:2

E taku te UEA, Etekiera, natin te aomata, a kataia m'aane aikai ni karaoi iango aika a buakaka ao n anga taian taeka n reirei aika a kamaamate nakoia kaain Ierutarem.

Etekiera 33:26

ao kam kaona te aba ni kabuta n te tiritiri. A bane ni buakaka b'aai ni kabane aika kam karaoi; ao kam bon aki kakaonimaki naba nakon ami berita ni mare. Ao kam a manga taekinna b'a abami te aba aei!

Etekiera 38:10

I ataia b'a ko na karaoa te iango ae e buakaka ngkana e roko te tai arei

Etekiera 46:18

E na aki riai te tia tautaeka ni kabuakakaia Au aomata n anaa te aba mairouia. E na riai ni bon oin abana te aba are e na anga nakon natina.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Naum 1:11

Ninewe, e na nako mairoum te aomata ae e on nanona ni babaire aika a bubuaka, ao iango aika a eekaanako te UEA.

Tekaria 7:10

Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Ruka 20:19

A kan taua Iesu n te tai naba arei taani koroboki ma ibonga ake mataniwi, b'a a taku n aia iango b'a E ekinakoia n te rongorongo ni kabotau arei; ma a makuia aomata.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

M'akuri 23:12

Ngke e a ngaina, ao a karekea aia iango ni kam'arua I-Iutaia tem'angina: a taetae ni bau b'a a na aki am'arake ma ni moi ni karokoa ae a tia ni kamatea B'auro.

M'akuri 23:15

Ma ngaia aei, kam na kanakoa ngkai ami taeka ma kaain te Tanirim nakon aia mataniwi tautia, b'a e aonga ni kaira rio B'auro nakoimi, b'a aongkoa kam kan ri nanoa riki taekana n te aro ae eti; ao ngaira ti na tauraoi ni kamatea i m'ain rokona ni kaaningkami.”

I-Rom 1:30

taani bukibuki, taan ribaa te Atua, taan taetaebuaka, taani kainikatonga, taani kamoamoaia, taani kariki iango aika bubuaka, taan aki iri nanoia aia karo,

Te Tua-Kaua 28:32

Ao a na katikitikaki nako natimi m'aane ao natimi aine nakon aaba tabeua ngke kam bon tei n tarataraia ma n aki kona ni buokiia. Ao ngkana kam a manga kakaaeia n iangoa okiia, ao ane kam na manga matakii man aki manga kona n nooriia.