Mika 1:8 - Te B'aib'ara

⁸ E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Mika 1:8 Iomraidhean Croise

2.Uea 18:13

N ana katebwi ma aua n ririki n tautaeka Etekia, ao e roko Tennakeriba are uean Aturia ni buakana te aba, ao e taui kaawa ni kabane ake a buubura ake a nonoaki, ma ti Ierutarem ae e aki reke.

Etita 4:1

Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Iobi 30:29

I riki ngai ni b'anaau b'a raoia kameanti ma taian tangiuoua ae tangi ni kananoanga.

Taian Areru 102:6

Ai aron te mannikiba n tiku n ti ngaia n te rereua; I riki n ai aron te man n taabo ni maeka aika uruaki aika akea kaaia.

Itaia 13:21

Bon ti manin te rereua aika, a na maekana b'aina aika a uruaki taian aure, ao taian aotireti, a na eweewe iai taiani kooti

Itaia 13:22

A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!

Itaia 16:9

Ao I tang ngkai n ai aron Iatera i bukin taian nne n aroka ni kureebe i Tibema. I katuu rannimatau i bukin Etibon ao i bukin Areare. E na aki manga karaoaki te baka n am'arake i bukin te tai

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 22:4

Ao i mwiina, I a taku, “katukai n arou! Kariaia b'a N na tang ni katinakoi rannimatau aika a maai. A tia ni tiringaki au aomata, ma ngaia ae kam na aki karaua nanou.”

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:19

Ao ngkai ngaira aika ti tang i Tion, ‘Ti a urubekebeke! Ti aki konaa n taona mamaara. A a tia n uruaki ara auti, ao ti a riai ni kiitana abara.’

Etekiera 32:18

Etekiera ae natin te aomata, ko na tanginiwenei i bukiia kaain Aikubita ao kabuakakaia nakon aia aonnaba maate, ike a na taunaki iai i rarikiia aomata mani botannaomata ake tabeua ake a korakora.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

1.Tamuera 19:24

E buti ana kunnikai ao e m'am'aie ma n tatakarua i matan Tamuera, ao e wene ni bebeekan n te ngaina arei ni karokoa e bong ao e a manga ngaina. Aio te tabo are e nako mai iai te taeka ae e kaangai, “E bon riki naba ni burabeti Tauro?”