Mika 1:7 - Te B'aib'ara

⁷ A na bane ana bouannanti aika a boobuaka ni maerikiriki. A na bane ni bue n te ai b'aai ni kabane ake a anganaki ainen matawaan te tembora. Ao a na riki aia bouannanti b'a b'ariko ni maange. E karaoi baikai b'a kanoan waakin ana taromauri. E karekei baika a tamaroa man te wenenibure n te tembora n ana taromauri. Ma ngkai, a na manga roko ana kairiribai n uotii nako baikai, b'a aia b'ai ni wenenibure n te tembora i bukin kanoan waakin aia taromauri.

Mika 1:7 Iomraidhean Croise

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

Itaia 2:18

A na nako taiani bouannanti i bukin karaoan te raoiroi.

Itaia 23:17

I mwiin banen itingaun te ririki akanne, ao e na manga kaoka Turo te UEA nakon te karikirake. E na riki te kaawa b'a kaanga te aine ae e kabooa nako rab'atana nakoia aomata nako n taian botannaomata n te aonnaba,

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Otea 2:14

Iteraera, bon te UEA Ngai, N na kam'aneingkami nakon te rereua ma n taetae ni kamaraurau nakoim.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 8:5

Te kaawa are Tamaria, I a un n ami bouannanti ae taamnein te kao te ataei. N ningai te tai ae kam na aki bure iai?

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

Ioera 3:3

ma ni kemboronna ni kakaaea b'a antai ae e na reke i rouna au aomata; a kabonakoia ataeinim'aane ma ataeinaine i bukin kabooaia ainen matawa ao te wain.

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Te Tua-Kaua 23:18

Te UEA ae Atuami, E bon rangi n ribaia m'aane ma aine aika karaoi aekaki ni m'akuri aikai, ao E na bon aki butim'aai aia b'aintangira, e ngae ngkana E a tia ni berita nakoia.

Te Tua-Kaua 9:21

Bon te bure ae kam karaoia ngke kam karaoa te bouananti, ma ngaia are, I karenakoi nakon te ai ni manga karanna. Ao i mwiina I anaa te koora, ao I kamantintia ni kabubua, ao I a karenakoa nako nanon te karaanga are raanga rikaaki man te maunga.

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 18:9

Ao uean aonnaba ake a wene ni bure ma ngaia ma ni buokanib'ai ma ngaia ni maiuna ni kaub'ai, a na tang ma n tanginiwenei i bukina, ngkana a nora bubuni buena.

1.Tamuera 5:4

Ma n te ingabong are i mwiina, ao e a manga b'aka naba ni wene ni bobaraaki i aon te burooa i matan te Atiniberita. E boni b'anin rab'atan te bouananti, ma e tii uruaki atuuna ma baina ake uoua ao a wene i aon te burooa te timanti i matan te mataroa n otinako.