Mika 1:6 - Te B'aib'ara

⁶ Ma ngaia are, e taku Te UEA, “N na karika Tamaria b'a te tabo ae e uruaki ae akea kaaina, ao e na riki b'a te tabo ae a unikaki iai aroka aika kureebe. N na karenakoi m'akorokoron atiibuna nako nanon te m'arua. Ao N na uruaki naba aana.

Mika 1:6 Iomraidhean Croise

2.Tamuera 17:13

Ngkana arona b'a a nako n rin n taiani kaawa aika a oonaki, ti na manga kabaea oon te kaawa anne ma ni uaakinna nako nanon te karaanga.

2.Uea 18:10

ao e reke i rouna i mwiin tenua te ririki, i nanon ana kaonoua n ririki n tautaeka Etekia ao a na karuaiwa n ririki n tautaeka Otea.

2.Uea 18:9

I nanon ana kaaua n ririki n tautaeka Etekia, are bon ana kaitiua n ririki Otea n tautaeka i aon Iteraera, ao e a kam'anangaa ana taanga ni buaka Tiaremanetera are uean Aturia nako Taamaria, are kaawan te tautaeka i Iteraera. A buakanna

2.Uea 19:25

‘Tennakeriba, ongora ngkai irou ngai ae te UEA. I baairei b'aai aikai n taai aika a b'akanako. Ao ko bon aki roko naba n te ataia ae bon ti ngai ae I baaireia b'a ko na karaoi b'aai aikai. Bon ngai ae I karaoiko b'a ko na urui taiani kaawa aika a buubura aika a nonoaki.

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Itaia 25:12

Ane a na b'aka oon aia nono nako ma ni maae nako i buakon te baareka.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Ieremia 31:5

Kam na uniki taiani kureebe i aon maungan Tamaria ao kam na kukurei n taiani kureebe.

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

Etekiera 13:14

A kataia burabeti aika a b'anga ni kewe aikai ni karabaa te buakaka i Ierutarem, ma N na korouaa te kaawa ni kab'aka, ni kabane ni karokoa aana. Ao ngkana e b'aka, a na tiringaki burabeti aikai, ao ane a na ataia aomata ni kabane b'a boni Ngai ae I karaoi baikai.

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”