Mika 1:5 - Te B'aib'ara

⁵ A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?

Mika 1:5 Iomraidhean Croise

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

1.Uea 13:32

I boni kakoaua b'a a na bane ni koro bukin b'aai ake e a tia n taekin i bukin te baonikarea are i Betaera ao te baangota are i Tamaria.

1.Uea 16:24

ao i mwiina e kabooa tabukin Taamaria mairoun Temera n taian tirewa ae e kaaniia 70 te kirokuraem rawawataia. E karaoa te kaawa ikekei ao e aranna b'a Taamaria b'a ingoan Temera are ana b'ai ngkoa te tabuki arei.

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 5:25

Ao bon anne bukina ngkai I aki konaa ni kakab'aiaingkami!

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

B'aeb'aeti 5:16

Bon akea nikiran kakatongan nanora, Ti bure ao ti a matakii n rannimatara,

Etekiera 16:46

Tamaria bon tarim are te ikawai, are te kaawa ae e buubura are i meangim ma kaawa akana i rarikina nako. Tarim are karimwiim bon Totom, are te kaawa are i maiakim ma kaawa akana i rarikina nako.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Mika 1:13

Kabaei ami kaa ma ami aoti ao tauraoi ni birinako ngkami ake kam maeka i Rakiti. Kam na manga karaoa naba te bure are e boni karaoia naba ngkoa Iteraera, ao e a iraraang nako Ierutarem iroum.