Mataio 9:8 - Te B'aib'ara

⁸ Ngke a nora te baere riki aomata, ao a maaku, ao a kamoamoa te Atua are E a tia n angania aomata te m'aaka ae ai aron aei.

Mataio 9:8 Iomraidhean Croise

Mataio 12:23

Ao a bane ni mimi aomata ao a taku, “Tao Natin Tawita” Teuaei?

Mataio 15:31

ao a mimi aomata ngke a noriia ake a aki kona n taetae b'a a taetae, ao ake a uruaki b'ain rab'ataia b'a a okiri aroia, ao m'auku b'a a nakonako, ao mataki b'a a noraba; ao a neboa Atuaia Iteraera.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Mataio 9:7

Ao e tei rake ao e nako ni mwengana.

Mareko 2:12

Ao teuarei, e tei rake, ao e tabeka nnena ni wene n te tai naba arei, ao e oti nako i mataia te koraki akekei ni kabaneia; ma ngaia are a bane ni mimi, ao a kamoamoa te Atua ni kangai, “Ti tuai man nonora te aro aei ma rimoa!”

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”

Ruka 13:13

Ao E kaaki baina i aona, ao e a eti ngkekei naba nuukana, ao e karaoiroa te Atua.

Ruka 17:15

Ao ngkanne temanna mai buakoia, ngke e noria b'a e kamaiuaki, ao e rairaki n oki, ni kamoamoa te Atua n te b'ana ae korakora;

Ruka 17:18

Akea temanna ae e noraki b'a e oki n anga neboan te Atua b'a ti te iruwa aei.

Ruka 18:43

Ao e a noraba naba, ao e ira Iesu, ni karaoiroa te Atua. Ao aomata ni kabaneia, ngke a noria, ao a kamoamoa te Atua.

Ruka 2:20

Ao a oki taani kawakin tiibu. A kamoamoa te Atua ao a neboia i bukini baike a tia n ongo ma n nori, n ai aron taekaia ake a tia n tuangaki.

Ruka 23:47

Ao mataniwin te taanga ni buaka are tebubua kaaina, ngke e nora te baere riki, ao e karaoiroa te Atua, ni kangai, “Bon te aomata ae akea ana bure Teuaei!”

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ioane 15:8

E neboaki Tamau n ami kariki uaa aika bati, ao n rikimi b'a au reirei.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 21:20

Ao ngke a ongo, ao a karaoiroa te Atua, ao a taku nakoina, Tarira, ko noria b'a nga ma nga I-Iutaia aika tia n rairaki, aika a rangi ni korakora nanoia n tangira te Tua.

M'akuri 4:21

Ao ngke a tia n taetae nakoia ni kakamakuia riki, ao a kanakoia, b'a akea te b'ai teuana ae a kunea are a na kareke kaiia iai, b'a a makuia aomata; b'a a bane aomata ni karaoiroa te Atua i bukin te baere e a tia n riki.

2.I-Korinto 9:13

I bukin te m'akuri aei, are e a kakoauaki iai aromi, ao kam na neboa te Atua i bukin tataekinan euangkerioni Kristo iroumi ma ongeabami nako ia, ao i bukin naba ami tituaraoi n aromi ni buokanib'ai ma ngaiia ao aomata nako;

I-Karatia 1:24

Ao a neboa te Atua i bukin te baere E a tia ni karaoia i rou.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.