Mataio 9:5 - Te B'aib'ara

⁵ E nga ae bebete riki, atongan ae kangai, ‘A kab'araki am bure’? Ke ae kangai, Tei rake ao nakonako?

Mataio 9:5 Iomraidhean Croise

Mataio 9:2

Ao noria, iai aomata tabem'aang ake a uota nako Ina te aomata ae nakibaina, ae wene i aon te nne ni wene. Ngke E nori aia onimaki Iesu, ao E taku nakon te nakibaina, “Natiu, tai raraoma! A kab'araki am bure.”

Mataio 9:6

B'a kam aonga n ataia b'a E konai ni kab'arai buure i aonnaba Natin te Aomata.” E taku ngkanne nakon te nakibaina, “Tei rake, tabeka nnem ni wene, ao naako ni mwengam!”

Mareko 2:5

Ao Iesu, ngke E noori aia onimaki, ao E taku nakon te nakibaina, “Natiu, a kab'araki am bure.”

Ruka 5:20

Ngke E nori aia onimaki Iesu, ao E taku, “Teuaei, a kab'araki am bure.”

Ruka 7:48

Ao E taku nakon neierei, “A kab'araki am bure.”

M'akuri 3:16

E a kamaiuaki teuae kam noria ma ni kinaa, n onimakinan aran Iesu; b'a onimakinan Iesu boni ngaia ae angan teuaei te marurung aei n aron ae kam bane n noria i matami.

M'akuri 9:34

E taku Betero nakoina, “Ainea, E kamaiuko Iesu Kristo; teirake, ao bairea nem ni wene.” Ao e a teirake naba ngkekei Ainea.