Mataio 8:2 - Te B'aib'ara

² Ao noria, e roko temanna ae rebera ao e katorobubua ni bobaraaki i matana ni karinea, ao e taku, “Te Uea, ngkana nanom, ao Ko kona ni kaitiakai.”

Mataio 8:2 Iomraidhean Croise

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

2.Uea 15:5

E katuaaea Ataria te UEA n te reebera, ni kabanea bongini maiuna. E aki kariaiakaki b'a e na maeka n ana bareti te uea, ma ngaia are, e maeka natina n te bareti man tautaeka n onea mwiina.

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Warekaia Iteraera 12:10

ao e mauna nako te nang mai aon te Um'antabunrianna, kunin Miriam e bitaki ni mainaina man rebera. Ao ngke e noora te b'ai ae riki nakon kunin neirei Aaron,

Mataio 10:8

Kam na kamaiuia akana aoraki; kamaiuia akana a tia ni mate; katoki reberaia akana rebera, ao kanakoia taimonio. I a tia n anganingkami te m'aaka ni karaoi baikai n akea boona mai roumi. Ma ngaia are kam na nako ao karaoi naba baikai nakoia tem'angina n akea boona.

Mataio 13:58

Ao E aki kabatiai ni karaoi m'akuri aika kamimii iai i bukina ngke a aki onimakinna.

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Mataio 15:25

Ma neierei e roko ao e b'aka ni katorobubua ni bobaraaki i matan Iesu, ao e taku, “Te Uea, Ko na buokai!”

Mataio 18:26

Ma ngaia are e b'aka ni bobaraaki ni katorobubua te toro arei ni karinea, ao e bubutiia ni kangai, Te uea, ko na taona nanom b'a ae N na bon anganiko am b'ai ni kabane.

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Mataio 20:20

Ao ngkanne e roko buun Tebetaio ma natina mm'aane iroun Iesu, ao e katorobubua ni bobaraaki i matana ni karinea, ao e butiia Iesu n te aro n anainano.

Mataio 26:6

Ao ngke E mena Iesu i Betania n ana auti Timon are te rebera,

Mataio 28:17

Ao ngke a noria, ao a katorobubua ni bobaraaki n taromauriia; ma iai tabem'aang i buakoia aika nanokokoraki.

Mataio 28:9

Ao noria, E bo ma ngaiia Iesu, ao E taku, “Kam na mauri.” Ao a nako Ina n taua waena, ao a taromauriia.

Mataio 4:9

ao e taku nako Ina, “N na anganiko baikai ni kabane ngkana Ko katorobubua ni bobaraaki n taromauriai.”

Mataio 8:1

Ngke E ruo Iesu man te maunga, ao a iria aomata aika rangi ni m'aiti.

Mataio 8:25

Ao a nako Ina ana reirei ni kautia, ao a taku, “Te Uea, kamaiura; ti mate!”

Mataio 9:18

Ngke E tabe Iesu n atongi baikai nako ia, ao noria, e roko te tia tau-taeka temanna ao e katorobubua ni bobaraaki i matan Iesu ni karinea, ao e taku, “E a tib'a mate natiu te aine; ma Ko na nako mai ni kaki baim i aona, ao e a maiu naba.”

Ruka 4:27

Ao a m'aiti reebera i aon Iteraera n ana tai te burabeti are Eritai, ma e kamaiuaki ti temanna mai buakoia b'a Naaman mai Turia.”

Ioane 9:38

Ao ngaia e taku, “Te Uea, I onimaki;” ao e katorobubua ni bobaraaki n taromauria.

M'akuri 10:14

Ma e taku Betero, “Te UEA, I aki kona; b'a I tuai ni kana te b'ai teuana ae aki itiaki ke ae kam'ara.”

M'akuri 10:25

Ma ngaia are, ngke e nangi rin Betero, ao e butim'aia Korenerio ni b'aka i rarikini waena, ao e bobaraaki ni kaota karineana ae moan te bati.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”