Mataio 8:18 - Te B'aib'ara

¹⁸ Ngke E noriia aomata aika rangi ni bati Iesu i rarikina, ao E tua b'a a na nako tanimainikun te nama.

Mataio 8:18 Iomraidhean Croise

Mataio 14:22

E kairoroia ngkanne ana reirei b'a a na toka n te booti n ri moana nakon iteran te nama, are iterana are teuana, ngkae E tabe ni kanakoia aomata.

Mataio 8:1

Ngke E ruo Iesu man te maunga, ao a iria aomata aika rangi ni m'aiti.

Mareko 4:35

N te bong naba arei, ngke e a tairiki, ao E taku Iesu nakoia ana reirei, “Ti na nako n iteran te nama are teuana.”

Mareko 5:21

Ao Iesu E a manga okira iteran te nama are teuana n te booti, ao a botaki nako Ina aomata aika rangi ni m'aiti i rarikin te nama.

Mareko 6:45

Ao ngkekei naba, iai ana m'akuri Iesu are E karaoia are e a karika iai tokaia ana reirei i aon te booti, ao a nako n ri moana nako Betetaita; ao Ngaia, E kaokiia nako aomata.

Mareko 8:13

E kitaniia, ao ngke E a manga toka i aon te booti, ao E nako n iteran te nama are teuana.

Ruka 8:22

N te bong teuana ao E toka Iesu ma ana reirei i aon te booti, ao E taku nako ia, “Ti a nako n ri nukan te nama nakon iterana are teuana.” Ma ngaia are a nako.

Ioane 6:15

Ngke E ataia Iesu b'a a nangi roko aomata n taua ma te matoa b'a a na kauea, ao E a manga oki nakon te maunga, n ti Ngaia.