Mataio 8:11 - Te B'aib'ara

¹¹ Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Mataio 8:11 Iomraidhean Croise

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 21:41

A taku nako Ina, “Ane e na kamateia aomata ake a buakaka akekei n te aro ae a na kananoanga iai; ao e na anga taekani nnen te kureebe nakoia tabem'aang b'a a na tararuaia i bukina, ao a na anganna tib'ana man uaa n tain uaa n tawaa.”

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 8:10

Ngke E ongo taeka aikai Iesu, ao E mimi iai; ao E taku nakoia ake a iria, “E koaua ae I a tuangngkami b'a akea i buakoia Iteraera ae I kunea b'a iai ana onimaki ae korakora n aron aei.

Ruka 12:37

A kab'aia tooro akana e noria te mataniwi b'a a tabe n tantani ngkana e roko; e koaua ae I a tuangingkami b'a e na kabaea nuukana ao e na katekatekaia b'a a na am'arake, ao e na roko n touati i bukiia.

Ruka 16:22

E mate teuare akea ana b'ai ao e uotaki irouia anera nako rarikin Aberaam. E mate naba teuare kaub'ai ao e taunaki;

M'akuri 10:45

A mimi I-Iutaia ake a onimakina Iesu, ake raoni Betero n roko mai Iobe, b'a E nurakina naba te b'ai n tituaraoi are te Tamnei are Raoiroi te Atua i aoia aomata aika tiaki I-Iutaia;

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

2.I-Tetaronike 1:5

E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

Te Kaotioti 7:6

Tebwi ma uoua tengaa mai buakon te baronga are Atera; Tebwi ma uoua tengaa mai buakon te baronga are Nabetari; Tebwi ma uoua tengaa mai buakon te baronga are Manate;