Mataio 6:9 - Te B'aib'ara

⁹ Aio ngkanne aron ami tataro: ‘Tamara are i karawa, E na tabuaki aram,

Mataio 6:9 Iomraidhean Croise

2.Tamuera 7:26

Ao ane E na tanoata iai taekam n aki toki, ao ane a na bane ni kaangai aomata, “E tautaekana Iteraera te UEA ae Moan te M'aaka, ao ana uea aika e rineia bon Tawita ma ana kariki nako.”

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Rongorongo 17:24

Ao ane Ko na kakannato iai n aki toki, ao ane a na bane ni kaangai aomata, “E tautaekana Iteraera te UEA are Moan te M'aaka ao bon Atuaia.” E na korakora abanueau,

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Taian Areru 115:3

E mena Atuara i karawa; ni karaoa ae E bon taku.

Taian Areru 72:18

Kamoamoa te UEA, ae Atuan Iteraera! Ti Ngaia ae karaoi m'akuri aika kamimii aikai.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Etekiera 36:23

ao ni kaotia naba nakoia ianena b'a I tabu. Ao ane a na ataai iai b'a bon te UEA Ngai ae te Atua. Bon aei au taeka.

Etekiera 38:23

N na karaoi baikai ni kaotia nakon te aonnaba b'a bon te UEA Ngai ae I tabu.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 10:29

Tiaki a kaboaki uoman te tib'aaro n te boo ae rangi n uarereke? Ao bon akea temanna i buakoia ae na b'aka i aontano ngkana tiaki nanon te Atua.

Mataio 23:9

Ao tai atonga te aomata temanna i aon te aba b'a tamami, b'a ti temanna Tamami b'a Teuare i karawa.

Mataio 26:29

I tuangngkami b'a N na aki manga moi n te wain aei, ni karokoa te bong arei, are N na nima iai te wain ae boou ma ngkami n uean Tamau.”

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Mataio 5:48

Ma ngaia ae kam na moanibaan te raoiroi, n ai aron Tamami are i karawa ngkai moanibaan te raoiroi.

Mataio 6:14

B'a ngkana kam kab'arai aia bure aomata ake a karaoi nako imi, ao Tamami are i karawa, E na kab'arai naba ami bure ake kam karaoi nako Ina.

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Mataio 7:11

Ngkai kam ata te anganiia natimi baika raraoi, ngkami aika kam buakaka, ao tiaki e m'aiti riki iroun Tamami are i karawa te kan anga baika raraoi nakoia akana butiia?

Ruka 15:18

N na tei rake, ao N na nako n tamau, ao N na kangai nako ina, ‘I a tia ni bure nakon Teuare i karawa ao nako im;

Ruka 15:21

E taku te nati nako ina, “Tamau, I a tia ni bure nakon Teuare i karawa ao nako im; I aki tau b'a N na atongaki b'a natim.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

I-Rom 1:7

nakoia ake a mena i Rom ni kabaneia, ake a tangiraki iroun te Atua, ake a weteaki b'a ana aomata: ami b'ai te akoaki ma te rau mairoun te Atua are Tamara ma te UEA are Iesu Kristo.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Karatia 1:1

Ngai ae B'auro, ae te tia tuatua, tiaki mairouia aomata, ao tiaki naba iroun te aomata, ma bon te tia tuatua iroun Iesu Kristo ma te Atua ae te Tama, are E a manga uti Iesu i rouna mai buakoia maate.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 5:12

ao a kaangai n te b'anaa ae korakora, “E riai te Tiibuteteei are kamateaki n anganaki te m'aaka, ma te kaub'ai, ma te rabakau, ma te korakora, ma te karineaki, ma te neboaki, ma te karaoiroaki!”