Mataio 6:5 - Te B'aib'ara

⁵ Ngkana kam tataro, ao tai kakairi irouia taani m'am'ana-te-aba! B'a a kan tei n tataro i nanoni m'aneabaia I-Iutaia ao i tutani kawai, b'a a aonga n noraki irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Mataio 6:5 Iomraidhean Croise

Taian Areru 5:2

Atuau ao au king! ongo b'anaau ni kani buokaki! B'a I tataro nakoim.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 16:5

E aki tangira te aomata te UEA ae e rangi ni kainikatonga.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Ieremia 29:12

Ane kam na oki nako iu ma ni buubutiai buokami, ao N na kaekai ami tataro.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 23:5

A karaoi aia m'akuri ni kabane b'a a aonga n noraki irouia aomata: a karababai aia burakitere, ao a kam'arairai riki rabini kunnikaia!

Mataio 23:6

A tangiri taabo n tekateka aika nneia aomata aika karineaki n tain te am'arake ni baka, ao kaintekateka ake mai moa i nanoni taian tinekaoki.

Mataio 6:1

Kam na tarataraingkami b'a kam na aki karaoi b'aai ake a kaeti ma b'ain te onimaki i mataia aomata ni kan noraki i rouia; b'a ngkana aromi anne, ao a na akea te b'ai n tituaraoi ae kam na anganaki mairoun Tamami are i karawa.

Mataio 6:16

Ngkana kam aki mamatam, ao tai mata ni kananoanga n ai aroia taani m'am'ana-te-aba: b'a a katarabuakai ubuia b'a e aonga n noraki aia aki-mamatam irouia aomata. E koaua ae I a tuangngkami b'a e a tia n reke i irouia booia mani mwin aia m'akuri.

Mataio 6:2

Ma ngaia aei, ngkana ko angab'ai nakoia aika kainano ao ko na tai katanoata nakoia aomata, n ai aroia taani m'am'ana-te-aba ngkana a angab'ai ni m'aneabaia I-Iutaia ao i nanoni kawai, b'a a aonga ni kamoamoaki iai irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Mataio 9:38

Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

Mareko 11:25

Ao ngkana kam tei n tataro, ao kab'ara buren are titiku i nanomi are e a tia n riki b'a ekakinakoan temanna iai i roumi, b'a E aonga Tamami are i karawa ni kab'arai ami bure aika kam a tia ni karaoi.

Mareko 12:38

Ngke E reireiia, ao E taku nako ia, “Kawakiningkami mairouia taani koroboki ake a kan nanakonako ma aia kunnikai aika m'arairai, ao a tangiria b'a a na kamauraki ma te karinerine n te tabo ni m'akete;

Ruka 11:43

A na reke kaimi B'aritaio! B'a kam tangiri kaintoka aika moan raraoi i nanoni m'aneabaia I-Iutaia, ao kam tangiri katei ni karinerine n taabo ni m'akete b'a a na karaoaki nako imi.

Ruka 18:1

Ao E taekina te rongorongo ni kabotau Iesu nakoia ana reirei, ma te kaantaninga b'a a riai n tatataro n taai nako, ao a na aki b'ara nanoia.

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

Ruka 20:47

ngaiia naba taan aki karauia aia auti aine ake a mate buuia, ao a kaananaui aia tataro b'a a na taraaki iai. Ane a na katuaaeaki n ae kamamate riki!”

Ruka 6:24

Ma a na reke kaimi ngkami akana kam kaub'ai, b'a a tia n reke karauan nanomi.

Ioane 16:24

Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

1.I-Tetaronike 5:17

ao tataro n taai nako,

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”