Mataio 5:8 - Te B'aib'ara

⁸ A a kab'aia akana itiaki nanoia, b'a a na nora te Atua!

Mataio 5:8 Iomraidhean Croise

Karikani B'aai 32:30

Ao e taku Iakob'a, “I a bon tia n noora te Atua n itaramata raoi ma Ngaia, ao I boni maiu naba.” Ma ngaia are, e arana te tabo arei b'a Beniera.

2.Tamuera 22:27

Ko taua ma nanom nakoia ni kabane aika a taua naba ma nanoia, ma nakoia aika a aki kakaonimaki Ko karaoa are e bon riai n reke nakoia ni mwiin aia m'akuri.

Taian Areru 15:2

Bon tii uake a ongeaba iroun te Atua ao ni kakaraoa ae raoiroi. A tataekina te koaua

Taian Areru 18:26

Ko kaotiko nakoia akana itiaki b'a Ko itiaki; Ao nakoia taan tiakana te aba, b'a te tia tiakana naba te aba Ngkoe.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Taian Areru 73:1

E koaua ae e raoiroi te Atua nakoia Iteraera, nakoia ake a itiaki nanoia.

Taeka n Rabakau 22:11

Bon raoraoia aomata ni kabane aika a raoiroi aika a taetae n akoi te uea.

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

1.I-Korinto 13:12

B'a ae ti noria ngkai ai aron tein taraana ae aki turuturu raoi i nanon te tirotaam; ma ane ti na bon noria raoi n te aro n itaramata. E aki koro raoi aron au atatai ngkai, ma ane na boni koro raoi arona rimwi, n ai arou ngkai I bon ataaki raoi.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

Te Kaotioti 22:4

A na nora matana, ao E na koreaki arana i aon ram'aia.