Mataio 5:4 - Te B'aib'ara

⁴ A a kab'aia akana nanokawaki, b'a a na kabebeteaki nanoia.

Mataio 5:4 Iomraidhean Croise

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 66:10

Kukurei ao takaarua, ngkana kam tangira Ierutarem! ngkana kam nanokawaki i bukina ngkoa kam na kakatonga ngkai.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

Ruka 6:21

Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

Ruka 6:25

A na reke kaimi ngkami akana kam ngae, b'a ane kam na baki! A na reke kaimi akana kam ngarengare ngkai, b'a ane kam na tanginiwenei ao kam na katumaua te tang!

Ruka 7:38

E tei i akuun Iesu i bukini waena n tang, ao e kam'aim'ai waena n ranni matana, ao e kaoi n iran atuna, ao e kaboria ma waena, ao e kabiri n te b'a.

Ruka 7:50

Ao E taku Iesu nakon te aine arei, “E kamaiuko am onimaki; naako ma te rau.”

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”