Mataio 5:10 - Te B'aib'ara

¹⁰ A kab'aia akana b'ainikirinaki i bukini karaoan nanon te Atua, b'a aia b'ai Uean te Atua.

Mataio 5:10 Iomraidhean Croise

Taian Areru 37:12

E iangoaki kam'aruaan te aomata ae e raoiroi iroun ane buakaka; ao e kangengei wina nakoina.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Mataio 10:23

Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Mataio 19:14

ma E taku Iesu, “Kanakomaia ataei nako Iu, ao tai tukiia; b'a Uean te Atua bon aia b'ai aomata aika ai aroia ataei aikai.”

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mataio 5:3

A a kab'aia akana nanorinano, b'a aia b'ai Uean te Atua.

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Mareko 10:30

e na karekei aika bati riki n te roro aei. E na karekei tebubua riki m'aitin auti, ma taari, ma mm'aane, ma tiina, ma naati, ma aaba, ma b'ainikirinaki naba; ao n te aonnaba ae na roko te maiu are aki toki.

Ruka 21:12

Ma i m'ain rikini baikai, ao ane a na tuangngkami ao a na b'ainikiriningkami; a na anga ngkami nakoia mataniwi ni m'aneabaia I-Iutaia, ao a na kainingkami i nanoni karabuuti; ao ane kam na kateaki i mataia uea ma taan tau-taeka i bukin arau.

Ruka 22:29

ao n aron Tamau ngkae E a tia n anganai te kona n tautaeka, ao Ngai N na anganingkami naba te kona anne;

Ruka 6:20

E tabeki matana n taraia ana reirei, ao E taku, Kam a kab'aia ngkami akana kam aki kaub'ai, b'a ami b'ai uean te Atua!

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Biribi 1:28

ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

2.Timoteo 3:11

ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.