Mataio 4:8 - Te B'aib'ara

⁸ Ao e a manga kairia te riaboro nakon te maunga ae moan te rietaata, ao e kaoti nako Ina aaba ni kabane ma tamaroaia;

Mataio 4:8 Iomraidhean Croise

Etita 1:4

Ao e kaoti kaub'aina ma kakannatona i nanon te maan ae e nakon tebubua waningaun te bong.

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Warekaia Iteraera 23:3

Ao e taku B'araam, “Taningaai ikai i rarikin am karea aikai b'a N na kaokoroai moa n te tabo teuana, b'a E na kaoti te UEA nako iu. Ngkana E kaoti, ao n na tuangko b'aai ni kabane aika E taekin.” Ao e a nako.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Mataio 4:5

Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

Ioane 5:20

B'a E tangira te Nati te Tama, ao E kaoti ana m'akuri ni kabane nakoina, ao ane E na kaoti riki nakoina m'akuri aika ab'ab'aki riki b'a kam aonga ni mimi.

1.Betero 1:24

B'a e kaangai te B'aib'ara: “Kanga te uteute aomata ni kabaneia, ao tamaroaia ni bane kanga ai aron ueen te uteute. E rai te uteute, ao e b'aka te uee,

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”