Mataio 4:5 - Te B'aib'ara

⁵ Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

Mataio 4:5 Iomraidhean Croise

2.Rongorongo 3:4

I matan te Tembora bon te kaman ae 9 te miita rababana, ao 9 te miita rietana. Nanon taian kaman arei e kabiraki n te koora ni koaua.

Neemia 11:1

Ao a maeka taani kairiiri irouia botannaomata ma aia utu i Ierutarem. Ma e ti konaa n reke nnen teuana te utu man nikiran taiani utu ake tebwina, ma ngaia are, a buubutiia te Atua b'a e na kaotia nakoia b'a antai ae e na maeka ikekei.

Neemia 11:18

Bootaia kanoan Rewi ake a maeka n te kaawa are e tabu bon uabubua waningauni ma aman.

Itaia 48:2

Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mataio 27:53

A oti nako mani nneia maate i mwini manga-utin Iesu, ao a nako n te kawa are tabu, ao a kaoti nakoia aomata aika bati.

Ruka 4:9

Ao e kaira Iesu te riaboro nako Ierutarem, ao e kateia i aon te tabo ae te kabanea n rietaata i taubukin te um'antabu, ao e taku nako Ina, “Ngkana Natin te Atua Ngkoe, ao Ko na ewe nako maikai;

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.