Mataio 4:25 - Te B'aib'ara

²⁵ Ao a iria aomata aika rangi ni m'aiti mai Kariraia ao Tekabori, mai Ierutarem, Iutaia, ao mai mainikun Ioretan.

Mataio 4:25 Iomraidhean Croise

Mataio 12:15

Ao Iesu, ngke E ata are a iangoia B'aritaio, ao E kitana ikekei; ao a iria aomata aika rangi ni m'aiti, ao E kamaiuia ni kabane ake iai aorakiia,

Mataio 19:2

ao a iria aomata aika rangi ni m'aiti, ao E kamaiuia ake a aoraki.

Mataio 4:15

“Aaba ake aia b'ai baronga ake Teburun ma Nabetari, ake a mena n te kawai nakon te nama, ake n tanimaeaon te Ioretan, are Kariraia, bon abaia Tientaire!

Mataio 5:1

Ngke E noriia aomata aika rangi ni m'aiti Iesu, ao E ararake n te maunga, ao E tekateka, ao a nako Ina ana reirei;

Mataio 8:1

Ngke E ruo Iesu man te maunga, ao a iria aomata aika rangi ni m'aiti.

Mareko 5:20

Ao e nako, ao e ri nukan Tekabori, ao e tataekina te baere E a tia ni karaoia Iesu nako ina. Ao aomata ake a ongo a bane ni mimi.

Mareko 6:2

Ao ngke e roko te Taabati, ao E moanna n reirei i nanoni m'aneabaia I-Iutaia; a m'aiti aomata ake a mena ikekei, ao ngke a ongora i Rouna ao a bane ni mimi. A taku, “A reke maia baikai iroun Teuaei? Ao te rabakau ra ae E anganaki? B'a a karaoaki baika kamimii aika ai aron aikai ni baina!

Mareko 7:31

Ao Iesu E kitan taabo ake i rarikin Tuuro, ao E toua kawain te kawa are Titon, ao E ri nukan Tekabori nako namani Kariraia.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;

Ruka 6:19

Ao a bane aomata ni kan riingnga, i bukin ae e nako mai Rouna te m'aaka, ao E kamaiuia ni kabaneia.