Mataio 4:23 - Te B'aib'ara

²³ E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 4:23 Iomraidhean Croise

Taian Areru 103:3

E kab'arai am bure ni kabane; ao E kamaiuko man aorakim ni kabane.

Taian Areru 74:8

A taku i nanoia, Ti na kabane n uru! A kabuoki ni kabane nen te Atua n taromauriaki i aon te aba.

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 12:9

Ao E kitana ikekei Iesu, ao E rin ni m'aneabaia I-Iutaia;

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 13:54

Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?

Mataio 14:14

Ngke E aerake man te booti, ao e noriia aomata aika rangi ni m'aiti; ao E nanoangaiia, ao E kamaiuia aia aoraki.

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Mareko 1:14

I mwin te tai are e a tia n tauaki iai Ioane ma ni kainaki i nanon te karabuuti, ao E roko Iesu i Kariraia ao E tataekina ana euangkerio te Atua.

Mareko 1:21

A roko i Kaberenaum, ao E rin Iesu ni m'aneabaia I-Iutaia n te Taabati, ao E reirei.

Mareko 1:39

Ao E reirei ni kabutaa aoni Kariraia i nanoni m'aneabaia nako; ao E kanakoia taimonio.

Mareko 3:10

B'a E a tia ni kamaiuia aomata aika m'aiti, ao ake a aoraki a karaneneiia n uai rokoia i Rouna, b'a a aonga n riingnga.

Mareko 6:2

Ao ngke e roko te Taabati, ao E moanna n reirei i nanoni m'aneabaia I-Iutaia; a m'aiti aomata ake a mena ikekei, ao ngke a ongora i Rouna ao a bane ni mimi. A taku, “A reke maia baikai iroun Teuaei? Ao te rabakau ra ae E anganaki? B'a a karaoaki baika kamimii aika ai aron aikai ni baina!

Mareko 6:6

Ao E mimi n aia onimaki. Ao E nako ni kaawa ake a mena ikekei n reireiia aomata.

Ruka 10:9

Kam na kamaiuia aoraki iai, ao kam na kangai nako ia, “E kaan nako imi Uean te Atua.”

Ruka 13:10

E reirei Iesu ni m'aneabaia I-Iutaia teuana n te Taabati.

Ruka 16:16

A teimatoa bonganan taeka ake a koreaki n te Tua ma aia boki burabeti ni karokoa kaotin Ioane are te tia B'abetito; ao man te tai arei, ao e tataekinaki te rongorongo ae raoiroi ae taekan Uean te Atua, ao a bane aomata ni kakorakoraia n rin iai.

Ruka 20:1

N te bong teuana, ngke E reireiia aomata Iesu ao E tataekina taekan te euangkerio nako ia i nanon te um'antabu, ao a nako Ina ibonga ake mataniwi ma taani koroboki, ma unimm'aane,

Ruka 4:14

Ao E okira Kariraia Iesu ni m'aakan ana kairiri te Tamnei are Tabu, ao e buta nako rongorongona i aoni Kariraia ao n taabo ake i rarikina.

Ruka 5:17

Ao n te bongina, ngke E tabe n reirei Iesu, ao iai B'aritaio ma taan reirei taekan te tua ake a tekateka ni kaan ma Ngaia. A roko mani kawan nako Kariraia ao Iutaia, ao mai Ierutarem; ao iai i Rouna m'aakan te Atua are E kona iai ni kakamaiu.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;

Ruka 6:6

N te Taabati teuana, ngke E rin Iesu ni m'aneabaia I-Iutaia ao E reireia aomata iai; ao e mena ikekei temanna ae e mate baina ae ataina.

Ruka 7:21

N te tai naba arei, ao E kamaiuia aomata aika m'aiti man aorakiia aika kakaokoro, ao mairouia anti aika buakaka; ao E kanorabaia mataki aika bati.

Ruka 7:22

Ao E taku Iesu nako ia, “Naako tuanga Ioane baika kam a tia n nori ao n ongo: a noraaba mataki, a nakonako m'auku, a kamaiuaki reebera, a uki taningaia taningabono, a manga uti maate, ao a ongo taekan te euangkerio aomata ake aki kaub'ai.

Ruka 8:1

Ao rimwi E nako Iesu ni kawari kaawa ma maeka, ni kab'arab'ara, ao n uota te rongorongo ae raoiroi are taekan uean te Atua. Raona uake tengauni ma uoman,

Ruka 9:11

Ngke a ataia aomata, ao a ri mwina; ao Ngaia, E butim'aia ao E taekinna nako ia taekan uean te Atua, ao E kamaiuia aomata ake a kainanoa te kani kamaiuaki.

Ruka 9:60

Ma E taku nako ina, “Katikuia maate b'a a na tauniia aia mate; ma ngkoe, ko na nako n tataekina Uean te Atua.”

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.

Ioane 6:59

E atongi baikai Iesu ngke E reirei ni m'aneabaia I-Iutaia i Kaberenaum.

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 18:4

E aki toki B'auro ni kakarabakau ni m'aneabaia I-Iutaia n te Taabati ae koraki, b'a e kan anai nanoia I-Iutaia ma I-Erene.

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

M'akuri 28:31

E tataekina Uean te Atua, ao e reirei taekan te UEA are Iesu Kristo n aki mamaku, ma n aki tutukaki.

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”