Mataio 4:11 - Te B'aib'ara

¹¹ E kitanaki ngkanne Iesu iroun te riaboro; ao noria, a roko anera ni buokia ni baike E kainanoi.

Mataio 4:11 Iomraidhean Croise

1.Uea 19:6

Ao e taratara nako Eria, ao e noora te tiaeki n ran i etan atuuna, ao tabeua taiani kariki. E karaua n tekateka, ao e a am'arake mani mooi, ao e a manga wene naba matu i mwiin am'arakena ma mooina.

Mataio 26:53

Ko taku b'a I aki kona ni butiia Tamau, ao E a kanakomaia ngkai naba taanga n anera aika raka m'aitiia i aon tengauni ma ua taanga?

Mataio 4:6

ao e taku nako Ina, “Ngkana Natin te Atua Ngkoe, ao Ko na ewe nako, b'a e koreaki ae kangai: ‘E na mwiokoia ana anera b'a a na tabeakiniko; ao a na tabekiko ni baiia, b'a e kawa n toki waem n te atibu.’ ”

Mareko 1:13

ao E tiku ikekei n te maan ae abwi te bong ni kaririaki iai iroun Tatan; ao akea raona b'a ti maan aika aki manana; ao a akoia anera.

Ruka 22:43

Ao e kaoti te anera mai karawa nako Ina, ao e kakorakora.

Ruka 22:53

Ngke I memena ma ngkami n te bong ae koraki n te um'antabu, ao kam aki tauai. Ma e a bo ami tai ngkai, ae ana tai naba teuare buakaka are uean te roo.”

Ruka 4:13

Ao ngke a bane ana m'akuri ni kariri te riaboro, ao e kitana Iesu ni karokoa manga reken ana tai ae na angaraoi.

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”