Mataio 4:10 - Te B'aib'ara

¹⁰ E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

Mataio 4:10 Iomraidhean Croise

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

Iobi 1:12

E taku te UEA nakon Tatan, “E tamaroa, a mena b'aai ni kabane akana i rouna i nanoni baim, ma ko na aki kaikoaka Iobi.” Ao e a nako Tatan.

Iobi 1:6

Ao ngke e a roko te bong are a na bootaki iai kaaini karawa i matan te Atua, ao e mena naba Tatan i buakoia.

Iobi 2:1

Ngke e a manga roko te bong are a na bootaki iai kaaini karawa i matan te UEA, ao Tatan naba i buakoia

Taian Areru 109:6

A taku au kairiribai “Rinea te aomata ae moti buaka b'a e na motika taekan aiau n te kabowi,

Te Otinako 23:25

Kam na ti taromauriai, Ngai ae te UEA ae Atuami! N na kakab'aiai ngkami n taian am'arake ao te ran ao N na kakorakorai ngkami.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Mareko 1:13

ao E tiku ikekei n te maan ae abwi te bong ni kaririaki iai iroun Tatan; ao akea raona b'a ti maan aika aki manana; ao a akoia anera.

Ruka 10:18

Ao E taku nako ia, “I nora Tatan b'a e b'aka mai karawa kanga ai aron te iti.

Ruka 11:18

Ao ngkana e a manga bon eekiianako Tatan i bon i rouna, ao e na kanga n tei ueana? I taekina aei i bukin ae kam taku b'a I kanakoia taimonio irouni Beretebub'a.

Ruka 13:16

Ao te aine aei, ae natin Aberaam, ae e kabaeaki i nanon tebwi ma wanua te ririki iroun Tatan, tiaki b'a e riai b'a e na kab'araki mani kabaeana aei n te bong ae te Taabati?”

Ruka 22:3

Ao e rin Tatan i nanon Iuta are arana teuana Itekariota, are temanna i buakoia uake tengauni ma uoman.

Ruka 22:31

“Timon, Timon! Noria, e a tia n anganaki Tatan te kariaiakaki b'a e na kairingkami nakon te kaririaki, ni kaokoroa te raoiroi man te buakaka, n ai aron te tia ununiki ae kaokoroa te uita mai buakoia titania.

Ruka 4:8

Ao Iesu E kaeka ni kangai, “E koreaki ae kangai, ‘Ko na taromauria te Uea ae Atuam, ao ko na toro i Rouna n ti Ngaia!’ ”

Ioane 13:27

I mwin te tai are e reke iroun Iuta iai te m'akoro ni kariki, ao e a rin naba Tatan i nanon Iuta. E taku ngkanne Iesu nakoina, “Tai tab'ara, karaoa ane ko nang karaoia.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

1.I-Korinto 5:5

ao kam na anga teuanne nakon Tatan i bukin uruakan rab'atana, b'a e aonga ni maiu tamneina n ana bong te UEA.

1.I-Korinto 7:5

Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

2.I-Korinto 11:14

Akea te bae e kamimii iai, b'a aio naba aron Tatan: e kona n onikia b'a aongkoa te anera ae raneanea taraana.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Iakobo 4:7

Ma ngaia ae kam na irira nanon te Atua; ao kam na rarawa nakon te riaboro, ao ane e na biri nako mai roumi iai.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

1.Betero 5:9

Kam na rarawa nakoina, ao kam na teimatoa n te onimaki, ngkai kam ataia b'a raomi n onimaki i aon aaba nako a taonaki naba ni maraki aika ti te bo aroia ma akana kam taonaki iai.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”