Mataio 3:5 - Te B'aib'ara

⁵ A nako ina aomata nako mai Ierutarem, Iutaia, ao man taabo ake i rarikin te karaanga are te Ioretan,

Mataio 3:5 Iomraidhean Croise

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Mataio 4:25

Ao a iria aomata aika rangi ni m'aiti mai Kariraia ao Tekabori, mai Ierutarem, Iutaia, ao mai mainikun Ioretan.

Mareko 1:5

Ao a bane ni kawaria aomata nako ake a maeka i Iutaia, ma i Ierutarem, ao a b'abetitoaki i rouna n te karaanga are te Ioretan, ngke a kaoti aia bure.

Ruka 16:16

A teimatoa bonganan taeka ake a koreaki n te Tua ma aia boki burabeti ni karokoa kaotin Ioane are te tia B'abetito; ao man te tai arei, ao e tataekinaki te rongorongo ae raoiroi ae taekan Uean te Atua, ao a bane aomata ni kakorakoraia n rin iai.

Ruka 3:3

E a nako ngkanne Ioane nakon taabo ake i rarikin Ioretan, n tataekina te b'abetito n rairannano i bukini kab'arani buure;

Ruka 3:7

E taku ngkanne Ioane nakoia te koraki n aomata aika bati ake a roko b'a a na b'abetitoaki i rouna, “Ngkami aika buniia naeta!” Antai ae tuangngkami b'a kam na biri nako man te rekenikai ane nangi roko?

Ioane 3:23

E b'ab'abetito naba Ioane i Ainon are e kaani ma Tarim, b'a e bati te ran iai. A roko aomata ao a b'abetitoaki i rouna.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.