Mataio 3:4 - Te B'aib'ara

⁴ E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Mataio 3:4 Iomraidhean Croise

2.Uea 1:8

Ao a taku, Bon te aomata ae e buraerae ao e roona nuukana n te bare ae te kunniman. Ao e taku Aatia, Bon Eria te aomata anne.

Itaia 20:2

Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai

Nakoaia Ibonga 11:22

Kam na aki kana te rookati, te taake are te kuriketi, ao bon te kuriketi naba.

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Mataio 11:18

B'a e roko Ioane n aki am'am'arake ma n aki momooi, ao a kangai aomata, Iai i rouna te taimonio.”

Mataio 11:8

Ao tera ngkanne bukin are kam nako iai? Kam na nora te aomata ae kunnikaia n te kunnikai ae tikiraoi? Noria, a mena n aia auti uea aomata aika kunnikaiia ni kunnikai aika tikiraoi.

Mareko 1:6

E kunnikaia Ioane ni buraen te kamero, ao e b'aina te roo ae te kau b'a kabaean nuukana; ao e kakangii maan aika rokati ma aia karewe manibeeru.

Ruka 1:17

ao ane e na ri moan te Uea ma te nano ae korakora ao ae m'aaka n ai aron are iroun te burabeti are Eria, b'a e na kaoki aroia n reitaki ae tamaroa kaaro nakoia naati, ao ake a aki ongeaba nakoni wanawanaia aomata ake a raoiroi. Ane e na buoki nanoia aomata b'a a aonga n tauraoi i bukin te Uea.”

Te Tua-Kaua 32:13

E buokingkami n taua te aba. Ao a rangi ni m'aiti taian uita n ami katawanang. A maiu taian oriwa i aon taabo aika kiriatiibu, ao a kuneaki aia karewe manibeeru i buakon taiani b'a.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”