Mataio 3:12 - Te B'aib'ara

¹² E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Mataio 3:12 Iomraidhean Croise

Iobi 21:18

ma n tewenakoia kaanga te maange ae ukaki nako n te ang, ke te baareka ae uotaki nako n te angibuaka?

Taian Areru 1:4

Ma tiaki aio aroia aomata aika buakaka; ti te bo ngaiia ma aron te maange ake a ukaki nako n te ang.

Taian Areru 35:5

A na kakioaki iroun ana anera te UEA, ao a na riki n ai aroni kunin te uteute ae ukaki nako n te ang!

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 28:28

A oreaki taiani uita ma taiani b'aare, ma a aki oreaki ni karokoa maenikunna; a kamanatuaaki n taiani kaanib'ai aika a katikaki irouia maan ma a aki rangi ni kamantaki ni kab'autaki.

Itaia 30:24

Ao a na am'arake naba taiani kao m'aane ao taian aati ake a kamaraua aia tawaana n taiani uita aika a rangi n raraoi.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 15:7

ma ni kamaenakoingkami kaanga te uteute ae e ukaki nako n te ang. N na katuaaingkami n te nanokawaki ao te mate i bukina ngkai kam rawa ni biti aromi.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 4:11

E na taetae te UEA ni kaangai nako imi

Ieremia 51:2

Ane a na roko aia tautia ianena man taabo nako, ao e na akea kaain B'aburon, ao e na akea manenana ngkana e a toki te kabuanib'ai.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 13:30

Katikuia b'a a na uaia n riki rake ni karokoa tain te tai; ao ni bongin te tai, ao I a tuangiia taan rikoriko ni kangai, Booti moa titania, ao kabaei ni b'ab'ati b'a a na kabuokaki; ma ikoti uita nakoni nnen au am'arake.

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Mataio 13:42

ao ane a na teweia nako nakoni nnen te ai, ike a na tang ao a na tenai riaia iai b'a kaotan ae a rotaki n te maraki ae korakora.

Mataio 13:43

Ao ane a na raneanea akana raoiroi n ai aron taai n uean Tamaia. Ane iai taningana, ao ke e ongo.

Ruka 3:16

E kaekaia Ioane ni kangai, “I b'abetitoingkami n te ran; ma ae E na roko Teuae kakannato riki nako iu, ae I aki tau b'a N na kab'arai kabaean ana kauniwae; E na b'abetitoingkami n te Tamnei are Raoiroi ao n te ai.

Ruka 3:17

E mena i nanoni baina te b'ai are E na kaokoroi iai uita ma maangen uita, ao E na ikoti uaa n uita nakoni nen ana uita; ma E na kabuoki maangen uita n te ai are aki mamate.”

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.