Mataio 3:10 - Te B'aib'ara

¹⁰ Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 3:10 Iomraidhean Croise

2.Tamuera 23:7

ma a kabuokaki ni nneia n te kainiwai ae e kakang.

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 140:10

Kab'aka te kooro ae e ura i aoia ao karenakoia nako nanon te m'arua ae a aki konaa ni manga tam'arakeia.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 7:19

Kaai nako aika aki kariki uaa aika raraoi, a koreaki ao a teweaki nako n te ai.

Ruka 23:31

B'a ngkana a karaoi baikai nako Iu, Ngai ae kanga kabotauan te kai ae maiu, ao tera ae na riki nako imi, ngkami ae kanga kabotauan te kai ae m'au?

Ruka 3:9

E kaweneaki ngkai te angaraa i rarikini wakaani kaai; b'a te kai ae aki kariki uaa aika raraoi ao e na koreaki n teweaki nako nanon te ai.”

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.