Mataio 27:2 - Te B'aib'ara

² Ao a kabaea, ao a kairia nako, ao a angani Birato are te tia tau-taeka.

Mataio 27:2 Iomraidhean Croise

Karikani B'aai 22:9

Ao ngke a roko n te tabo are E tuangnga te Atua, ao e a karaoa te baonikarea Aberaam iai, ao e baairei taian aia i aona. E kabaea natina are Itaaka, ao e katokaa i aon te baonikarea i aon taian aia.

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 28:14

Ao ngkana e ongo aei te tia tau-taeka, ao ti na karaua nanona; ao ti na taraia b'a e na akea te kanganga ae na reke nako imi.”

Ruka 13:1

N te tai naba arei, ao a roko aomata tabeman n tuanga Iesu taekaia I-Kariraia ake e rengan raraaia Birato ma raraani maan ake karea.

Ruka 20:20

Ma ngaia are a taratara te tai are na angaraoi; ao a kanakoia aia bureitiman ni karaba aika a na baka n raoiroi, b'a a na karekea kabuakakaan Iesu man ana taeka, n te aro b'a a aonga n anga Ngaia nakon te tia tautaeka b'a E na baireaki taekana.

Ruka 23:1

Ao a bane ngkanne n tei rake te koraki ao a kaira Iesu nakoni Birato.

Ruka 23:12

A riki n i raorao Erote ma Birato n te bong naba arei, b'a a i kairiribai rimoa.

Ruka 3:1

N ana katengauni ma nima ririki n uea Kaitara Tiberio, ngke e tautaeka Bontio Birato i Iutaia ao Erote i Kariraia, ao Biribo are tarin Erote i Iturea ao i Terakoniti, ao Rutania i Abirene,

Ioane 18:12

E tauaki ngkanne Iesu irouia tautia ma aia mataniwi, ao irouia bureitimanin te Tembora, ao a kabaea.

Ioane 18:24

E a kanakoaki ngkanne Iesu iroun Annati nakoni Kaiaba are aia mataniwi ibonga, ao E tiku naba ma arona are E kabaeaki iai.

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

M'akuri 12:6

N te bong are e nang kaotinakoaki iai Betero iroun Erote, ao e matu Betero n tairikin te bong are i m'aina i marenaia uoman tautia, ni kabaeaki n uaai te taurekereke; ao iai tautia ake a tantani i rarikini mataroan te kawai n rin nakon te karabuuti.

M'akuri 21:33

E kaniia B'auro ngkanne teuare aia mataniwi tautia n taua, ao e tua b'a e na kabaeaki n taurekereke aika uaai. E titiraki ngkanne ao e taku, “Antai teuaei, ao tera ae e karaoia?”

M'akuri 22:25

Ma ngke a kabaea B'auro n roo aika kaau, ao e taku nakoni mataniwin te taanga ni buaka are tebubua kaaina are tei ni kaan, “E kariaiaki b'a kam na kataerea te aomata ae te I-Rom ae tuai ni motikaki taekana?”

M'akuri 22:29

Ma ngaia are, a waekoa naba ni m'awa mai rouna te koraki ake a na ukoukora taekana; ao e maku naba aia mataniwi tautia ngke e aata B'auro b'a te I-Rom, i bukina ngke e a tia ni kabaea.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 28:20

Ao bon aei bukin are I kaoingkami iai, b'a N na noringkami, ma n taetae nakoimi: b'a I kabaeaki n te taurekereke aei i bukin aia kaantaninga Iteraera.

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.

1.Timoteo 6:13

I tuangko i matan te Atua, ae anga te maiu nakoni b'aai ni kabane, ao i matani Kristo Iesu, are kaota tauani bukin te koaua are raoiroi i matani Bontio Birato,

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Tani Motiki-taeka 15:12

Ao a taku m'aanen Iuta akekei, Ti roko ngkai b'a ti na kabaeko ma n anga ngkoe nakoia. Ao e taku Tamton, Ma kam na berita b'a kam na aki tiringai.