Mataio 27:1 - Te B'aib'ara

¹ Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Mataio 27:1 Iomraidhean Croise

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 31:13

I ongo b'anaaia ni wirikiriki taan ribaai aika m'aiti; I otab'aniniaki n te kakamaaku. A kario iango b'a a na eekainako. A iangoa kamateakiu.

Taian Areru 71:10

A taekinai au kairiribai; A ikotaki ni maroroakina aroni kam'aneau b'a a na kamateai.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Ruka 13:1

N te tai naba arei, ao a roko aomata tabeman n tuanga Iesu taekaia I-Kariraia ake e rengan raraaia Birato ma raraani maan ake karea.

Ruka 22:66

Ngke e a ngaina, ao a botaki aia unimm'aane aomata ma aia mataniwi ibonga ao taani koroboki; ao a kaira Iesu nakon aia kabowi, ao a kangai,

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

M'akuri 5:21

Ao ngke a tia n ongo aei, ao a rin n te Tembora, ngke e a tib'a moa n ingabong, ao a reirei iai. Ao e roko aia mataniwi ibonga ma raona nako, ao a weteia aia unimm'aane tibun Iteraera i bukini karaoan aia kabowi are te Tanirim, ao a kanaanako nakon te karabuuti b'a a na kairaki taan tuatua nakoia.

Tani Motiki-taeka 16:2

Ao a ataia kaain te kaawa arei b'a e mena ikekei, ao a iangoa tiringana i m'aain te ngaina. Ma ngaia are, a nako n torokaranna n taian auti ni uaatiman ake ni iteran te mataroa ake uoua n tataninga okina.

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”