Mataio 26:18 - Te B'aib'ara

¹⁸ Ao E taku, “Kam na nako n te kawa nakon te aomata temanna,” ao kam na kangai nako ina, ‘E taku te Tia Reirei: E a kaan au bong! N na karaoa te Toa are te Riao ma au reirei n am auti.’ ”

Mataio 26:18 Iomraidhean Croise

Mataio 21:3

Ngkana iai ane kaekaingkami, ao kam na kangai, “E kainanoia te Uea, ao e a kanakoiia naba.”

Mataio 23:10

Ao kam na tai atongaki b'a mataniwi, b'a ti temanna ami Mataniwi b'a te Kristo.

Mataio 23:8

Ma ngkami, kam na aki atongaki b'a ‘Taan Reirei’, b'a ti temanna ami Tia Reirei, ao taari ngkami ni kabaneingkami.

Mataio 26:19

Ao ana reirei a karaoa are a tia n tuangaki iroun Iesu, ao a katauraoa am'araken te Riao.

Mataio 26:2

“Kam ataia b'a ai ti uabong, ao e a roko te Toa are te Riao; ao ane E na kam'aneaki iai Natin te Aomata b'a E na kamateaki n te kaibangaki.”

Mataio 26:49

Ao e nako n Iesu ngkekei naba, ao e taku, “Te Tia Reirei, Ko na mauri,” ao e kiitinna.

Mareko 5:35

Ngke E tabe n taetae, ao a roko tem'angina aika taan ua rongorongo man ana auti Iairo, ao a taku, “E a mate natim. E aera b'a ko na katabea te Tia Reirei?”

Ruka 22:53

Ngke I memena ma ngkami n te bong ae koraki n te um'antabu, ao kam aki tauai. Ma e a bo ami tai ngkai, ae ana tai naba teuare buakaka are uean te roo.”

Ioane 11:28

Ngke e a tia Mareta n atongi baikai, ao e nako ni wetea tarina are Nei Maria n te aro ni karaba, ao e taku, “E a roko te Tia Reirei, ao E kaoko.”

Ioane 12:23

Ao E kaekaia Iesu ao E taku, “E a roko te aoa are E na neboaki iai Natin te Aomata.

Ioane 13:1

I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Ioane 20:16

E taku Iesu nakoina, “Nei Maria.” E rairaki Nei Maria ao e taku nakoina n te taetae n Ebera, “Raaboni.” (ae nanona, “te Tia Reirei”.)

Ioane 7:30

A ukoukora te anga ae a na taua iai, ma akea temanna ae roko baina i aona, i bukina b'a e tuai ni bo ana tai are E na tauaki iai.

Ioane 7:6

E taku Iesu nakoia, “E tuai ni bo au tai; ma ngkami, e a tau naba iroumi te tai n aki akaaka.

Ioane 7:8

Kam na nako ni kaea te botaki. I aki nako Ngai ni kaea, b'a e tuai ni bo au tai.”