Mataio 24:2 - Te B'aib'ara

² Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Mataio 24:2 Iomraidhean Croise

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Ruka 19:44

Ane a na boouaiko i aontano, ngkoe ma ake a maeka i nanon oom, ao bon akea te atibu teuana ae a na katikua n arona, i bukina b'a ko aki ata te tai are E kawariko iai te Atua b'a E na kamaiuko.

2.Betero 3:11

Ma ngaia aei, ngkai a nangi mauna nako aroni b'aai ni kabane n te aro aei, ao aaro ra aromi aika riai b'a kam na maeka n itiaki iai, ao n reitaki ma te Atua,

Te Kaotioti 21:22

Akea te Tembora teuana ae I noria n te kaawa; b'a te Tembora iai bon te Uea are te Atua are Moan te M'aaka, ma te Tiibuteteei.