Mataio 24:11 - Te B'aib'ara

¹¹ Ao ane a na teirake burabeti ni kewe aika bati, ao ane a na burebureia aomata aika bati.

Mataio 24:11 Iomraidhean Croise

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Mataio 24:5

B'a a m'aiti aomata akana a na roko n arau, ao a na kangai, Bon te Kristo ngai; ao ane a na burebureia aomata aika bati.

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

Mareko 13:22

Ane a na kaoti kristo ni kewe ao burabeti ni kewe, ao a na kaoti kanikina ma b'aai ni kamimii, b'a a na burebureia ake a rineaki, ngkana a kona.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

1.Ioane 2:18

Ataei, aei te kabanea n aoa; ao n aron are kam ongo b'a e nangi roko ana kairiribai Kristo, ao bon iai ngkai ana kairiribai Kristo aika bati aika kaoti. Ma ngaia ae ti ataia iai b'a aei te kabanea n aoa.

1.Ioane 2:26

I koroi baikai nako imi i bukiia akana kataia ni m'am'anaingkami.

M'akuri 20:30

ao ane a na kaoti aomata tem'angina mai buakomi ao a na atongi baika b'aoua, b'a a aonga ni katikiia ake a onimaki b'a raoia.

Mataio 24:12

Ane a na toki aia tangira aomata i bukina ngkai e kam'aitaki te buakaka.