Mataio 23:9 - Te B'aib'ara

⁹ Ao tai atonga te aomata temanna i aon te aba b'a tamami, b'a ti temanna Tamami b'a Teuare i karawa.

Mataio 23:9 Iomraidhean Croise

2.Uea 13:14

Tabeua te tai i m'aain maten te uea are Ieoati, ao e a rangi n aoraki te burabeti are Eritai, ao e a kaani mate. Ao e rin Ieoati ma n tei i rarikina ao e tang. Ao e taku, Au toka, tera ngkai ae a nang konaa ni karaoia ana kaanibuaka Iteraera ana taan toka i aoia aoti ngkana ai akea ngkoe?

2.Uea 2:12

Ao e noora te b'ai ae e riki Eritai ao e takaarua ni kaangai, “E a uotaki nako au mataniwi iroun ana tia buaka Iteraera i aon te kaanibuaka ae e katikaki irouia aoti.” Ao ngke e a nako Eria, ao e raeuaaka kunnikaina Eritai i bukin rawawatan nanona.

2.Uea 6:21

E nooriia uean Iteraera, ao e taku nakon Eritai, “Teuae ko karineaki. I a tiringiia?”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Mataio 23:10

Ao kam na tai atongaki b'a mataniwi, b'a ti temanna ami Mataniwi b'a te Kristo.

Mataio 6:32

B'a a ukoukori baikai ni kabane aomata aika aki onimakina te Atua; ao Tamami are i karawa, E ataia ae kam kainanoi baikai ni kabane.

Mataio 7:11

Ngkai kam ata te anganiia natimi baika raraoi, ngkami aika kam buakaka, ao tiaki e m'aiti riki iroun Tamami are i karawa te kan anga baika raraoi nakoia akana butiia?

M'akuri 22:1

“Taari, ao taani kairiri, kam na ongora n au taeka nakoimi ae na kaota arou b'a I aki bure!”

1.I-Korinto 4:15

B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

2.I-Korinto 6:18

N na riki b'a Tamami, ao ngkami kam na riki b'a natiu mm'aane ma natiu aine, bon ana taeka te UEA are Moan te M'aka.”

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.