Mataio 21:10 - Te B'aib'ara

¹⁰ Ngke E rin Iesu i Ierutarem, ao a kiriwe kaain te kawa, ao a taku, “Antai Teuaei?”

Mataio 21:10 Iomraidhean Croise

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Mataio 2:3

Ngke e ongo aei Erote are te uea, ao e kiriwe nanona ma angiia kaain Ierutarem.

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Ruka 20:2

ao a taku nako Ina, “Ko na tuangiira b'a te m'aaka ra ae Ko karaoi iai baikai? Antai ae anganiko te m'aaka aei?”

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ruka 7:49

Ao te koraki ake raon Iesu n am'arake, a taku i nanoia, “Antai Teuaei ae kona naba ni kab'arai buure?”

Ruka 9:9

E iango Erote ao e taku, “I a tia ni korea roroan Ioane; ma ai antai teuaei, ae I ongo taekana aikai?” Ao e kani karekea ana tai ni kaitibo ma Ngaia.

Ioane 2:18

A kaeka ngkanne I-Iutaia ao a taku, “Tera te kanikina ae Ko na anganira b'a e na kaota ae iai iroum te kona ni karaoa te baei?”

M'akuri 9:5

E kaeka Tauro ao e taku, “Te UEA, antai Ngkoe?” Ao E taku te UEA, “Bon Iesu Ngai ae ko b'ainikirinai,”

Ruuta 1:19

Ao a uaia n airi ni karokoa rokoia i Betereem. Ao ngke a roko, ao a bane kaain te kaawa ni mimiakinia, ao a taku aine; “Naomi aei?”

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”