Mataio 2:2 - Te B'aib'ara

² “E nga Teuare bungiaki b'a aia Uea I-Iutaia? B'a ti nora itoina i mainiku, ao ti a roko b'a ti na taromauriia.”

Mataio 2:2 Iomraidhean Croise

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 45:11

E na tangiriko te uea i bukin tamaroam; am mataniwi ngaia, ma ngaia ae ko riai n ongeaba i rouna.

Itaia 60:3

A na roko botannaomata nako ma uea nako nakon ootan karaangainan ami bong.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 30:9

Ao i mwiina, kam na riki b'a au tia m'akuri, ao N na rinea te uea maibuakomi man ana utu Tawita.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Warekaia Iteraera 24:17

“A tuai koro bukin baike I noori n te kaotioti, Ma n te bong teuana ane e na kaoti uean Iteraera b'a kaanga te itoi. E na kamaunanakoi ngkami kaain Moaba ma ni kamaunaia baronga aikai kam maeka n te rereua.

Mataio 2:3

Ngke e ongo aei Erote are te uea, ao e kiriwe nanona ma angiia kaain Ierutarem.

Mataio 21:5

“Kam na kangai nakoia kaain te kawa are Tion, Noria, E a nako imi ami Uea! Ae nimamannei, ae toka i aon te aati ao i aoni bunna.”

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Ruka 19:38

Ao a kangai, “E a kab'aia te King ae roko n aran te Uea! Te raoi i karawa ao te neboaki ike moan te rietaata.”

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 23:3

Ao e titirakinna Birato, ni kangai, “Aia Uea I-Iutaia Ngkoe?” Ao Ngaia E kaeka, ni kangai, “Ngaia ane ko taku.”

Ruka 23:38

Iai te koroboki i etana ae e kangai, “Aei Aia Uea I-Iutaia.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 12:13

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 19:19

Iai taeka ake e tua Birato b'a a na koreaki, ao a kanim'aki i aon te kaibangaki; ao a kaangai taeka akanne: IESU AE TE I-NATARETA AE AIA UEA I-IUTAIA.

Ioane 20:28

E kaeka Toma ao e taku nakoina, “Au Uea ao Atuau!”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 9:38

Ao ngaia e taku, “Te Uea, I onimaki;” ao e katorobubua ni bobaraaki n taromauria.

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”