Mataio 2:16 - Te B'aib'ara

¹⁶ Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Mataio 2:16 Iomraidhean Croise

Karikani B'aai 39:14

ao e wetea ana toro, ao e taku nakoina, “Noora te b'ai aei. E a tia ni karaoa te m'akuri ae buakaka nako ira te Ebera are e kabooa kaainabau. E rin nako i nanon au ru, ao e kataia n tauai, ma I kabanea takaaruau.

Karikani B'aai 39:17

Ao e a manga tuanga naba buuna ana taeka akekei: “E rin nako n au ru te Ebera are ko karokoa ikai, ao e karaoa te m'akuri ae buakaka nako iu.

Karikani B'aai 49:7

E na mena te maraia i nanon uniia, i bukina ngkai a rangi n tiritiri, ao i aon naba bonon nanoia, i bukina ngkai a rangi ni bee. N na kakionakoia mai aon abaia Iteraera. N na kauamaaeia i buakoia kaain aia kaainga.

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

Iobi 12:4

A ngareakinai naba n arou aei uaake bon raoraou; e ngae ngke I eti raoi n akea te b'ai ae I reke ni bukinaki iai. Bon iai ngkoa te tai ae kaekaekai iai au tataro te Atua.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Taeka n Rabakau 28:17

Tai buokiia taan tiriaomata! Katikuia ni bon aia waaki ni kabane bongin maiuia.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Taniera 3:13

Ao e rangi n un te uea n te b'ai arei, ao e kanaanako b'a a na kawaekoaaki uake teniman akekei nako matana.

Otea 10:14

Ma ngaia are, e na roko te buaka, ao a na uruakaki ami nono nako. Ao ami kairiribai a na karaoa nakoim te b'ai are e karaoia Tiareman nakoia kaain Beta-Arebera a na oreaki ma te b'aa tiina ma natiia ni karokoa mateia.

Warekaia Iteraera 22:29

Ao e taku B'araam “Ko kateinibabaai! Ngke bon iai au kabaang, ao I a bon tiringko naba ikai n te tai aei!”

Warekaia Iteraera 24:10

Ao ngke ongo aei B'araka, ao e rangi n un, ao e orea baina ao e taku, “I weteiko n nako mai b'a ko na katekebuakaia au kairiribai, ma ngkoe, ko kakab'aiaia tenua te tai.

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Mataio 2:17

E a kakoauaki iai ngkanne are e atongaki iroun Ieremia are te burabeti, ngke e taku:

Mataio 2:7

E kaoiia ngkanne taan rabakau Erote b'a e na botaki ma ngaiia n ti ngaiia, ao e neneria b'a e na kaoti te itoi n ningai.

Te Kaotioti 12:4

Ao bukina e uakina iai kateni-m'akoroni m'aitin itoini karawa, ao e tewe nako aon te aba; ao e tei te rakon i matan te aine are nangi bung, b'a e na kana natina n te tai are e bungiaki iai.

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Tani Motiki-taeka 16:10

Ao e taku Nei Terira, “Ko keweai ao ko kataia ni kaburababaai. Ko na tuangai ngkai b'a tera bukin korakoram, ao N na kanga ni kabaeko?”