Mataio 2:11 - Te B'aib'ara

¹¹ Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.

Mataio 2:11 Iomraidhean Croise

Karikani B'aai 43:11

Ao e taku tamaia nako ia, “Ngkana ai ngaia anne arona, ao kam na uoti b'aai aika a rangi n raoiroi mai abara i nanon ami baeki b'a ami b'ai n tangira nakon te kowana, aia karewe manibeeru, renganan taian am'arake, taiani koraa aika kakanaki ake te naani bititakio, ao ai te naan amon.

1.Uea 10:10

Ao e angan Toromon e kaaniia nimaua te tan te koora, b'aai ni katamaroa, ao b'aai aika boiarara aika a bati nakon ae a tia n anga tem'angina nakon Iteraera, ueanainen Tieba.

1.Uea 10:2

E kairiia tabeman ana aobitia, ao e katokai i aon ana kamero ni b'aintangira aika boiarara, tirewa, ao koora. Ao ngke e roko, ao e maroroo ma Toromon ni b'aai ni kabane ake i nanona.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 45:8

A bane niiniiram ni boiarara ni boini b'aa aika boiarara; A kakukureiko taani katangitang n aia b'ai ni katangitang i nanon auti aika bareti aika katamaroaaki ni koroia ereb'anti.

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Taian Areru 72:15

E na tei maan maiun te uea! E bia anganaki te koora mai Tieb'a; A bia tatataro i bukina aomata; E bia kakab'aiaki iroun te Atua n taai nako!

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Te Otinako 30:23

Rengana aua te riita b'aan te oriwa ma kaboiararaan te am'arake aikai:

Te Otinako 30:34

Rengan taian b'ai ni kaboiarara i bukin te am'arake ake a boobuaka ni kaboraoi m'aitiia, aika te titakite, onika, ao te riibano ni koaua,

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Itaia 60:6

E na onrake abam n te naani kamero aika ataei mai Miria ao Eb'a; a uoti taiani koora ma b'aai ni kaboiarara b'a b'aini karineau, Ngai ae te UEA kaain Tieb'a

Nakoaia Ibonga 6:15

Ao e na abuta te abutana te buraawa, ao b'aan te oriwa, ao te b'ai ni kaboiarara are e kaakabubuaki are e toka i aona, ao e na kabuoki i aon te baonikarea b'a kaanga ai rab'atan naba te karea ni kabane nakon te UEA. E rangi ni kakukureia te UEA boiararan te karea aei.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 7:14

ao teuana te buun ae te koora ae tebwina te tiekera ke tebubua tebwi ma nimaua te kuraem (115g) ae on n te karea ni kaboiarara:

Warekaia Iteraera 7:86

taian koora buun ake 12, aika on n te karea ni kaboiarara, rawataia bon kaka tebwina te tiekera ke 115g.

Mataio 1:18

Aio aroni bungiakin Iesu Kristo; e a tia ni kabae tinana are Nei Maria ma Ioteb'a, ma i m'ain ae a mareaki ao e ataaki b'a iai te teei i birotona mairoun te Tamnei are Raoiroi.

Mataio 12:46

Ngke E taetae Iesu nakoia aomata, ao noria, a tei i tinaniku tinana ma tarina nako, ao a tuatua b'a a kan taetae ma Ngaia.

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Mataio 2:10

Ngke a nora te itoi, ao a kaonaki n te kim'areirei ae moan te bati.

Mataio 2:2

“E nga Teuare bungiaki b'a aia Uea I-Iutaia? B'a ti nora itoina i mainiku, ao ti a roko b'a ti na taromauriia.”

Ruka 2:16

Ao a kawaekoaia ngke a nako, ao a kunea Nei Maria ma Ioteb'a, ao te merimeri b'a e wene ni nneni kanaia maan n am'arake.

Ruka 2:38

E nako neiei n tei i rarikin Ioteb'a ma Nei Maria n te aua naba arei, ao e katituaraoa te Atua, ao e tataekina aron te teei nakoia aomata ni kabaneia ake a kantaninga kamaiuaia Iteraera.

Ioane 19:39

E roko naba Nikotemo, are kawara ngkoa Iesu n te tairiki teuana; e roko ma uotana te muura ae renganaki ma te aroe ae tao tebubua te b'auna rawawatana.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.