Mataio 19:7 - Te B'aib'ara

⁷ A taku B'aritaio nako Ina, “E aera ngkanne ngke e tua Moote b'a te mm'aane are kan raure ma buuna, ao e riai n angani buuna te beb'a n raure, ao e na kanakoa?”

Mataio 19:7 Iomraidhean Croise

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Maraki 2:16

Ao E ribaia aomata nako te Atua aika a iowawa n raure ma buuia. Ma ngaia are, kam na kaakawakiningkami raoi b'a kam na aki manga aki kakaonimaki!

Mataio 1:19

Ao Ioteb'a are buuna, ngkai te aomata ae nanoanga, ao e aki kani kamamaaea Nei Maria i mataia aomata, e reke ana iango b'a e na kab'ara aia kabae ni karaba taekana.

Mataio 19:6

Ma ngaia ae ai tiaki uoman ngaiia ma ai ti te irikona. Ma ngaia aei, b'a akana E reitiia te Atua, ao akea te aomata ae na kona ni karaureiia.”

Mataio 19:8

E taku nako ia, “E kariaingkami Moote b'a kam na raure ma buumi i bukini matoatoan nanomi, ma tiaki aei arona mani moan rikin aonnaba.

Mataio 5:31

“E atongaki naba ae kangai, ‘Te mm'aane ane kanakoa buuna, ao ke e anganna te beb'a ni buu raure.’

Mareko 10:4

A kaeka ao a taku, “E anga te kariaia Moote nakon te mm'ane b'a e na korea taekan aia raure i aon te beeb'a, ao b'a e na kanakoa buuna.”