Mataio 19:6 - Te B'aib'ara

⁶ Ma ngaia ae ai tiaki uoman ngaiia ma ai ti te irikona. Ma ngaia aei, b'a akana E reitiia te Atua, ao akea te aomata ae na kona ni karaureiia.”

Mataio 19:6 Iomraidhean Croise

Taeka n Rabakau 2:17

ae e urua ana taeka ni bau ma buuna ao e kiitana te m'aane are e mareaki ma ngaia ma ngke e ataeinaine.

Maraki 2:14

E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

Maraki 2:16

Ao E ribaia aomata nako te Atua aika a iowawa n raure ma buuia. Ma ngaia are, kam na kaakawakiningkami raoi b'a kam na aki manga aki kakaonimaki!

Mataio 19:5

ao E kangai, Ni bukina aei, ao e na kitana tamana ma tinana te mm'aane ao e na katiteuanaki ma buuna, ao a na riki n ti te irikona naka uoman.

Mataio 19:7

A taku B'aritaio nako Ina, “E aera ngkanne ngke e tua Moote b'a te mm'aane are kan raure ma buuna, ao e riai n angani buuna te beb'a n raure, ao e na kanakoa?”

Mareko 10:9

Ma ngaia aei, b'a nake E a tia ni kaboia te Atua ao akea te aomata ae na kona ni karaureiia.”

I-Rom 7:2

N ai aron aei: b'a te aine ae iai buuna e kabaeaki n te tua nakoni buna ni kabanea ana bongi ni maiu buuna; ma ngkana e mate buna, ao e kainaomataki man te tua are e kabaeaki iai ma buuna.

I-Ebeto 5:28

E riai naba b'a a na tangiriia buia mm'aane n ai aroia n tangiri oin rab'ataia. Ane tangira buna ao e tangira oin rab'atana.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.