Mataio 19:5 - Te B'aib'ara

⁵ ao E kangai, Ni bukina aei, ao e na kitana tamana ma tinana te mm'aane ao e na katiteuanaki ma buuna, ao a na riki n ti te irikona naka uoman.

Mataio 19:5 Iomraidhean Croise

Karikani B'aai 34:3

Ma e noora neierei b'a e bon rangi n tikiraoi, ngaia are, e a tangiria, ao e a kakab'aka nanona.

2.Tamuera 1:26

Ionatan, I a aki manga nooriko! I tangiriko b'a kaanga tariu. Ko kaakaraoa raoi ae e raoiroi nako iu, ko kakaonimaki riki nakon te ainenum'a nakon buuna te m'aane.

1.Uea 11:2

Ma ngaia are, E a tia ni kauringiia b'a a na aki iein ma aine aika tiaki Iteraera. Ao e tangira buuna Toromon are natin uean Aikubita. Ma e tangiriia naba aine tabem'aang mai Moaaba, Ammon, ao Etom, ao tabeman mai Titon ao man abaia kaain Eta.

Taian Areru 45:10

Ngkoe ae buun te uea, ongora n te b'ai ae N na taekinna: M'aninga taekaia am botannaomata ma am utu.

Taian Areru 63:8

I nimnimtiko, Ao Ko tautauai ni baim ae m'aaka.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 19:6

Ma ngaia ae ai tiaki uoman ngaiia ma ai ti te irikona. Ma ngaia aei, b'a akana E reitiia te Atua, ao akea te aomata ae na kona ni karaureiia.”

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

1.I-Korinto 6:16

Kam aki ata te aomata ae nim ma te kabekaau b'a kanga temanna n aomata ngaia ma ngaia? B'a e kangai taekana are koreaki, “A na riki b'a kanga temanna n aomata naka uoman.”

1.I-Korinto 7:2

Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 7:4

B'a e aki tautaeka te aine i aon rab'atana, ma e tautaeka buuna; ao ai aron naba te mm'aane: b'a e aki tautaeka i aon rab'atana, ma e tautaeka buuna.

I-Ebeto 5:31

N aron are koreaki n te B'aib'ara, ni kaangai: “I bukin aei, ao e na kitana tamana ma tinana te aomata, ao e na nim ma buna, ao a na riki b'a ti te irikona naka uoman.”

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 11:22

Kam na tangira te UEA ae Atuami ao ongotaeka n ana Tua ma ana Reirei aika I anganingkami n te bong aei. Ngkana kam maiuna nanon te UEA,

Te Tua-Kaua 4:4

Ma kam bane ni maiu n te bong aei ngkami ake kam kakaonimaki nakon te UEA ae Atuami.

1.Tamuera 18:1

Ni banen aia maroroo Tawita ma Tauro, ao n te tai ae aki maan ao a riki b'a raao aika rangi n i tangitangiri Tawita ma Ionatan. E rangi n tabeakina Tawita Ionatan n aron tabeakinana i bon i rouna.

1.Tamuera 25:43

E a tia Tawita ni mare ma Nei Ainoam are kaain Ietireera, ao ngkai e a manga riki Nei Abikaira b'a buuna naba.