Mataio 18:7 - Te B'aib'ara

⁷ E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Mataio 18:7 Iomraidhean Croise

Karikani B'aai 13:7

Ma ngaia are, e riki te kauntaeka i marenaia ana taan kawakin maan aika kawakawa Aberam ma ana taan kawakini maan aika kawakawa Roota. (A boni maekana naba te aba aei kaain Kanaan ma kaain Beriti n te tai aei.)

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

Mataio 16:23

Ma E rairaki ao E taku nakoni Betero, “Naako akuu Tatan! Ko riki b'a te b'ai ni kab'akab'aka nako Iu; b'a e reke i roum aron nanon te aomata ma tiaki aron nanon te Atua.”

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mareko 13:7

Ao ngkana kam ongo rongorongoni bo ni buaka aika kaan ma aika raroa nako, ao kam na aki maaku. Ane a na roko baikanne, ma e tuai n roko te toki.

Ruka 17:1

E taku Iesu nakoia ana reirei: Ae a na bon roko taiani karirii nakoni karaoan te buakaka, ma e na reke kain ane a roko mai rouna baikanne.

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

M'akuri 1:16

“Mm'aane, taari, e riai kakoroan nanon te taeka are n te B'aib'ara are E atongnga ngkoa te Tamnei are Raoiroi ni wiin Tawita, are taekan Iuta, are kairiia ake a taua Iesu.

1.I-Korinto 11:19

B'a a bon riai n iai taiani bwenaua n ami botaki, b'a a aonga ni kinaki iai te koraki aika bon taan onimaki ni koaua i buakomi.

1.Timoteo 6:1

Aomata aika tooro aika mena i aan te amo n toronaki a riai n iangoia oin aia toka b'a a riai ni kabatiaki karineaia, b'a e aonga n taekinaki ni kamoamoaki te Atua ma ara reirei.

Tito 2:5

a na iango raoi, a na itiaki, a na m'am'akuri ni mwengaia, a na raoiroi aroia nakoia aomata, ao a na aantaeka irouia oini buia, b'a e kawa ni kabuakakaki ana taeka te Atua.

Tito 2:8

ao kamanenai taeka aika oin taeka aika a na aki konaki ni kabuakakaki; b'a e aonga ni mamaa te kairiribai iai, ngkai akea te bae buakaka ae e na taekinira iai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

1.Tamuera 2:17

A aki tabe natin Eri ake m'aane ma aia karea aomata ake a anga. Ao bon te bure ae rangi ni buakaka te baei, ao e bon kauna te UEA.