Mataio 18:4 - Te B'aib'ara

⁴ Ane kamangoria n ai aron te teei aei, ao boni ngaia ae te kabanea ni kakannato n Uean te Atua.

Mataio 18:4 Iomraidhean Croise

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Mataio 18:1

A roko iroun Iesu ana reirei n te tai naba arei, ao a taku, “Antai te kabanea ni kakannato n Uean te Atua?”

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Mataio 18:5

Ane m'anea n akoa te teei ae ai aron aei, n arau, ao e m'aneai n akoai.

Mareko 10:43

Ma e na aki riki aei i buakomi: b'a ane kani kakannato i buakomi ao e riai n riki b'a ami tabonibai,

Mareko 9:34

A aki kaeka Iesu, i bukina b'a i aoni kawaia ao a tia ni kauntaeka i marenaia b'a antai te kabanea ni kakannato i buakoia.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Iakobo 4:10

Kam na nanorinano i matan te Uea, ao ane E na karietataingkami.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”