Mataio 17:9 - Te B'aib'ara

⁹ Ngke a tabe n ruo rikaaki mai aon te maunga, ao E kamatoa ana taeka Iesu nako ia ni kangai, “Akea temanna ae kam na tuangnga taekan te baere kam a tia n noria, ni karokoa E a manga kamaiuaki Natin te Aomata mai buakoia maate.”

Mataio 17:9 Iomraidhean Croise

Mataio 12:16

ao E tuangiia b'a a na aki katanoata taekana n taabo nako;

Mataio 17:12

Ma I taku b'a e a tia n roko Eria, ma a aki kinaa, ao a karaoi nako ina baike a kani karaoi. Ao ai aron naba Natin te Aomata, b'a E na kamarakaki naba i rouia.”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mataio 17:22

Ngke a bane ni botaki ana reirei Iesu i Kariraia, ao E taku nako ia, “Ane E na kam'aneaki Natin te Aomata nako nanoni baiia aomata,

Mataio 17:23

ao ane a na kamatea, ao E na manga kautaki n te katenibong.” Ao a rangi n nanokawaki ana reirei.

Mataio 17:8

Ao ngke a tabeki mataia n tararake, ao akea temanna ae a noria b'a bon ti Iesu.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 8:30

Ao E tuangiia b'a a na aki tuanga temanna taekana.

Ruka 8:56

Ao a mimi ana karo neierei; ma E tuangiia Iesu b'a akea temanna ae a na kaongoa taekan te baere karaoaki.

Ruka 9:36

Ao ngke e toki te b'anaa, ao E nooraki Iesu b'a ti Ngaia. A aki karongoa ana reirei ake raona, ao akea te b'ai teuana ae a taekinna i bukin te baere a tia n nooria.