Mataio 13:54 - Te B'aib'ara

⁵⁴ Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?

Mataio 13:54 Iomraidhean Croise

Taian Areru 22:22

N na tuangiia au botannaomata baika Ko a tia ni karaoi; N na anenea kamoamoaam n aia tai ni bootaki n taromauri.

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 7:28

Ngke E a tia n atong taeka aikai Iesu, ao a mimii aomata n arona n reirei.

Ruka 2:47

E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ioane 1:11

E roko i abana ni koaua, ma a aki m'aneia n akoia kaain abana.

M'akuri 13:46

Ao a taetae ma te ninikoria B'auro ma B'arenaba ni kaangai, Bon te b'ai ae riai taekinani moa ana taeka te Atua nakoimi. Ma ngkai kam rawa iai, ma ni baireia n ami iango b'a kam aki riai n anganaki te maiu are aki toki, ao noria, ti nangi nako ni kawariia aomata aika tiaki I-Iutaia.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

1.Tamuera 10:11

Ao aomata ake a boni ngae n nonora Tauro a nooria ngke e a taetae ni burabeti ma ni karaoi aroia burabeti. Ao a taetae bon i marenaia ni kaangai, “Tera ae riki? E na kanga n riki Tauro b'a te burabeti?”