Ane taetae n ekaanako Natin te Aomata, ao e na kab'araaki ana bure; ma ane taetae n ekaanako te Tamnei are Raoiroi, ao e na bon aki kab'araki ana bure n te aonnaba aei, ke n te aonnaba ae na roko.
B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.
B'a kam aonga n ataia b'a E konai ni kab'arai buure i aonnaba Natin te Aomata.” E taku ngkanne nakon te nakibaina, “Tei rake, tabeka nnem ni wene, ao naako ni mwengam!”
Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.
Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.
