Mataio 12:10 - Te B'aib'ara

¹⁰ ao noria, e mena iai te aomata ae e mate baina. Iai aomata tabem'aang ake a kani karekea kabuakakan Iesu, ma ngaia are a taku nako Ina, “E riai n taekan te tua b'a ti na katoki aoraki n te Taabati ke aki?”

Mataio 12:10 Iomraidhean Croise

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Mataio 12:2

Ngke a noria B'aritaio tabem'aang, ao a taku nako Ina, “Noria, a urua tuan te Taabati am reirei n ae a karaoia!”

Mataio 19:3

Ao a nako Ina B'aritaio tabem'aang, ao a kani kam'anea n aia titiraki ae kangai, “Iai riaina i aan te tua b'a e na raure te mm'aane ma buuna n aron are e bon taku?”

Mareko 3:2

Ao a tarataraia b'a tao E na kamaiua teuarei n te Taabati, b'a a aonga ni karekea bukinana iai.

Ruka 11:54

A kani kam'anea ngkana iai buren ana taeka.

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”

Ruka 20:22

E riai i roura te angani Kaitara te taekiti, ke e aki?”

Ruka 23:14

ao e taku nako ia, “Kam a uota mai nako iu te Aomata aei, b'a kanga temanna ae kakiriwei nanoia aomata; ao noria, I a tia n kekera arona i matami, ao I aki kunea buren te Aomata aei ni baike kam bukinna iai;

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ioane 5:10

Ma ngaia are, a taku I-Iutaia nakon teuare kamaiuaki, “Te Taabati aei, ao e aki riai b'a ko na tabeka nem ni wene.”

Ioane 5:3

A wene n taabo aikai aoraki aika bati; iai naba i buakoia aika matakii ma aika m'auku, ao aika mate b'ain rab'ataia.

Ioane 7:23

Ngkana e korotabonim'aneaki te aomata n te Taabati, n te aro ae e aki uruaki iai te tua are e anga Mote, ao tera bukin ae kam na un iai irou ngkai I kamaiua te aomata n te Taabati?

Ioane 8:6

A atonga aei b'a a kani kam'anea, b'a e aonga n reke bukinana iai i rouia. E b'aoua ni baraaki Iesu, ao E koroboki n tabonibaina i aontano.

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.