Mataio 11:6 - Te B'aib'ara

⁶ Ao e a kab'aia ane aki tarai baika I karaoi b'a te kanganga nakon ana onimaki.”

Mataio 11:6 Iomraidhean Croise

Taian Areru 119:1

A kab'aia akana a moa n raoiroi aroia, akana ongeaba nakon ana Tua te UEA.

Mataio 13:21

ma akea wakaana i nanona, ao e aki tiku ni maan; ao ngkana e roko te kanganga ke te b'ainikirinaki i bukin ana taeka te Atua, ao e a b'aka naba.

Mataio 18:7

E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Mataio 24:10

Ane a na akea aia onimaki aomata aika bati, ao ane a na i kam'am'ane ao a na i kairiribai.

Mataio 26:31

Ao E taku Iesu nako ia, “I bukin te bae na riki nako Iu n te tairiki aei, ao ane na bua onimakinakiu i roumi, b'a e koreaki ae kangai, ‘N na tiringa te Tia Kawakin-tiibu, ao ane a na bane n uamaae tiibu.’

Mataio 5:29

Ao ngkana e kairiko matam ane mai ataim nakon te bure, ao ko na autia, ao tewea nako mai roum; b'a e raoiroi riki ngkana akea b'ain rab'atam teuana nakon ae e teweaki nako rab'atam ni kabaneaki nako moone.

Mareko 6:3

Tiaki te kabenta Teuaei, are Natin Nei Maria, ao are tarin Iakobo, ma Iote, ma Iuta, ma Timon? Ao tiaki a mena m'anena i roura ikai?” Ao a kaoti mataia n ribaia.

Ruka 2:34

ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

Ruka 7:23

Ao e a kab'aia ane aki tarai baika I karaoi b'a te kanganga nakon ana onimaki.”

Ioane 16:1

“I atongi baikai nakoimi b'a a aonga n aki bua ami onimaki.

Ioane 6:66

I bukin aei, ao a kitana Iesu ana reirei aika m'aiti n aki manga kan airiiri ma Ngaia.

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

I-Karatia 5:11

Ma ngaia aei, taari, ngkana I bon tabe naba n tataekina te korotabonimm'aane b'a e riai, ao e aera ngkai I teimatoa ni b'ainikirinaki? Ma ngkana I tuangiia aomata b'a a na korotabonim'aneaki, ao e a aki riki ngkanne taekan te kaibangaki b'a te b'ai ni kab'akab'aka.

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.