Mataio 11:11 - Te B'aib'ara

¹¹ E koaua ae I a tuangngkami b'a e tuai ni kaoti temanna ae kakannato riki nakon Ioane are te tia B'abetito i buakoia akana bungiaki irouia aine; ma ane moan te mangori n Uean te Atua, ao boni ngaia ae kakannato riki nako ina.

Mataio 11:11 Iomraidhean Croise

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 14:4

Bon akea te raoiroi ae kona n otinako man te b'ai ae kam'ara n aron te aomata.

Iobi 15:14

E koaua b'a e kona te aomata n itiaki? Bon iai ae kona ni kororaoi i matan te Atua?

Iobi 25:4

Iai ae kona n raoiroi ke n itiaki i matan te Atua?

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Mataio 11:10

Bon Ioane are e koreaki taekana ni kangai: ‘Noria, I kanakoa au tia ua-rongorongo n rimoam, are e na katauraoa kawaim i m'aim.’

Mataio 11:12

Man ana tai ni m'akuri Ioane ni karokoa ngkai, ao e aki toki n ekakinako Uean te Atua; ao aomata aika iowawa a tia ni kataia n taua ma te matoa.

Mataio 3:1

Ni boong akekei, ao e roko Ioane are te tia B'abetito ni kab'arab'ara n rereuan Iutaia,

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ruka 7:28

I tuangngkami b'a akea i buakoia aomata nako aika tia ni bungiaki ae kakannato riki nakon Ioane; ma ane moan te mangori n uean te Atua ao boni ngaia ae kakannato riki nako ina.

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Ioane 1:15

E tataekinna Ioane, ao e kanenea b'anaana ni kaangai, “Bon aei Teuare I taekinna ngke I kaangai, Teuare roko i mwiu, E kakannato riki nako iu b'a ai kaman iai Ngaia ma ngkoa i m'aini bungiakiu.”

Ioane 1:27

ae na waaki i mwiu. I aki tau b'a N na kab'ara kabaean ana kauniwae.”

Ioane 10:41

A m'aiti aomata ake a roko i rouna; ao a kaangai, “Akea te m'akuri ae kamimii ae karaoia Ioane, ma ana taeka ni kabane ake e atong i bukin Teuaei a bane ni koaua.”

Ioane 3:30

E riai n rikirake kakannatona, ao kakannatou e na kerikaki.”

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

Ioane 7:39

E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

1.I-Korinto 15:9

B'a moan te mangori ngai i buakoia taan tuatua, ao I aki tau b'a N na atongaki b'a te tia tuatua, i bukina b'a I b'ainikirina ana ekaretia te Atua.

1.I-Korinto 6:4

Ma ngaia ae ngkana e mena i roumi motikan taekani b'ain te maiu aei, ao e aera b'a kam na uoti aeka n tangitang akanne nako mataia aomata aika akea warekaia n te ekaretia b'a a na motiki taekaia?

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

2.Timoteo 1:10

ma ngkai, e a kaotaki nako ira n rokon ara Tia Kamaiu are Iesu Kristo, are kamaunaa te mate, ao E kaota te maiu ma te aki-mka n te euangkerio.

Ebera 11:40

i bukina b'a iai ana kaantaninga ae raoiroi riki te Atua i bukira: b'a a na aki kona ni kakoroaki raoi aroia n ai aron are E tangiriia iai te Atua, ngkana a aki raonaki i roura.

1.Betero 1:10

Ao burabeti ake a taetae ni burabeti i bukin te akoi are na riki b'a ami b'ai a kakorakoraia n ukoukora ma n nenera aron te kamaiu aei.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.