Mataio 11:1 - Te B'aib'ara

¹ Ngke E a tia Iesu ni kabanea ana taeka ni mwioko nakoia ana reirei ake tengauni ma uoman, ao E nako maikekei b'a E na reirei, ao b'a E na kab'arab'ara n aia kawa nako.

Mataio 11:1 Iomraidhean Croise

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 7:28

Ngke E a tia n atong taeka aikai Iesu, ao a mimii aomata n arona n reirei.

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Mareko 6:12

Ao uakekei a nako ao a reireiia aomata b'a a na rairi nanoia.

Ruka 23:5

Ma a kakorakorai b'anaaia ni kangai, “E kakiriwei nanoia aomata n ana reirei i aon Iutaia ni kabuta, ni moa mai Kariraia ni karokoa naba te tabo aei.”

Ruka 8:1

Ao rimwi E nako Iesu ni kawari kaawa ma maeka, ni kab'arab'ara, ao n uota te rongorongo ae raoiroi are taekan uean te Atua. Raona uake tengauni ma uoman,

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 15:14

Raou ngkami, ngkana kam karaoi baika I tuangngkami.

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 10:42

Ao E tuangiira b'a ti na tataekina te euangkerio nakoia aomata, ao ti na kaotiotia b'a boni Ngaia are rineaki iroun te Atua b'a te tia motiki taekaia akana maiu ma akana mate.

1.I-Tetaronike 4:2

Kam bon atai taian tua ake ti anganingkami ake mairoun te Uea are Iesu.

2.I-Tetaronike 3:10

B'a ngke ti mena i roumi, ao ti tuangngkami ae kangai, “Ngkana e aki kani m'akuri temanna, ao ke e tai am'arake.”

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 6:14

b'a ko na rangi n ongotaeka nakoni baike ko a tia n tuangaki, ma ni kakaonimaki nako iai ni karokoa rokon ara Uea are Iesu Kristo;