Mataio 10:34 - Te B'aib'ara

³⁴ Tai taku i nanomi b'a I roko b'a N na uota te raoi nako aonnaba: I aki roko b'a N na uota te raoi, ma I roko b'a N na uota te kabaang.

Mataio 10:34 Iomraidhean Croise

Ieremia 15:10

Tera ngke I aki bungiaki! I aki toki n reke n te kangaanga ma kaain Iuta ni kabane. I aki taatangoa te m'ane ke n taarau. ma a bane ni kamaraiaai aomata nako n te aro ae ti te arona.

M'akuri 14:2

Ma I-Iutaia ake a aki onimaki a kakiriwei nanoia aomata ake tiaki I-Iutaia, ao a kananobuakaiia nakoia taari akekei.

M'akuri 14:4

E a riki te iraraaure irouia kaain te kaawa arei: a tei tem'angina i bukiia I-Iutaia, ao tem'angina a tei i bukiia taan tuatua.

M'akuri 28:29

Ngke e a tia B'auro n atongi taeka aikai, ao a nako I-Iutaia ma te kauntaeka ae bati i rouia.

Te Kaotioti 6:4

Ao e oti nako te aoti temanna, ae uraura; ao e anganaki teuare toka i aona te kona ni karokoa te buaka i aon te aba, b'a a na i kamamate aomata; ao e anganaki te kabaang ae ab'ab'aki.